掃呢頁CODE去手機

2020年1月15日 星期三

【無綫慳皮】劉江人工減到$7500 再被大台減騷寧願唔撈:做人要有底線 __,TVB,大台,無綫,

在無綫三十幾年的「綠葉王」劉江,日前宣布離巢。據知近年他不斷被公司減人工,由高峰期月薪大約6萬,減到去年7千5百元左右,最近傾續約,竟再次被減騷減人工 ...






在無綫三十幾年的「綠葉王」劉江,日前宣布離巢。據知近年他不斷被公司減人工,由高峰期月薪大約6萬,減到去年7千5百元左右,最近傾續約,竟再次被減騷減人工。他坦言決定走,有兩晚睡不著,但做人一定要有底線。

為削減開支,無綫近年向甘草藝員開刀,大幅減騷,事關他們年資較長,每個騷的騷錢會較一般藝員多。

劉江曾經被封為「騷王」,02年每月平均高達20個騷,以他每個騷3千元計算,月入約有6萬元,無奈之後他不斷被減騷,同時沒甚麼加騷錢,前一份合約,已經減到一年60個騷,即是每月平均收入1萬5千元左右。

去年更被減到一年30個騷,即是月入大約7千5百元。

「減了差不多一半!」他承認。

有傳今次傾續約,無綫想他減到一年21個騷,即是月入5250元左右,他寧願離巢,昨日已正式離職。

他非常厚道,表示:「唔可以話TVB唔好,只係依家公司有轉變,唔知佢哋轉變成點,或者佢哋覺得我哋唔重要。」至於有沒有被挽留,他面有難色說:「我唔想講,呢個大家都明。」

「其實我哋呢個年紀,喺乜嘢地方,喺日本、韓國都好受尊重,喺香港唔係,依家冇太多我呢輩演員,仲對我唔好,仲對我唔好就冇啦,你睇電視畫面可以數數,根本數唔到幾多資深演員。唉,其實好悲,真係好悲,呢行竟然冇藝員,其實係好悲哀嘅情況。」 過去他為公司仆心仆命,15年為《巨輪Ⅱ》拍火場戲,連通波仔手術都唔做住。

「我同導演講,我前一日通完波仔,你要我第二日衝火災,我話唔得,佢話你不如推遲啲通波仔,先拍完場戲。我話要問心臟科醫生,心臟科醫生話只要我唔太急,唔太大聲或做太激烈嘅事,應該可以,所以我先拍。」

拍戲唔錫身,劉江話自己仍有團火,歡迎大家找他工作。

「因為完全零工作,始終好難過日子。你睇住電視,可能有痕嘅感覺。」

好在他早年已經供完獨子在英國讀書,現兒子於金融界工作,73歲劉江近年是打風流工,得閒就會同老婆去旅行。

他其實是做京劇出身,60年代轉任武術指導,其後加入邵氏,之後輾轉做過佳視、麗的及無綫,拍過三百幾套劇。

其中在《大時代》演黑幫頭目周濟生,《平安谷之詭谷傳說》演村長,屬他的代表作。他這種資深演員,買少見少。 -----------------------------

【壹週刊直播平台 ChannelNEXT】

立即睇

全城抗暴 區區論壇同你深度剖析

-----------------------------

【升級壹會員登記站 為你解疑難!】

親臨旺角、銅鑼灣做升級壹會員,即送「香港人:抗爭之夏」限量明信片

詳情地址


鍾意就快D Share啦!