掃呢頁CODE去手機

2020年1月6日 星期一

【隱瞞劇組拍節目】楊思琦陀住B出動賺外快 孖韓國美魔女組合跳hip hop __,楊思琦,

(攝影:仇志德)
楊思琦在情路上兜兜轉轉,上年終於找到真命天子驚爆秘婚並懷上第二胎,但至今BB性別及爸爸身份依然成謎,脫離單親媽媽身份找到心靈伴侶一臉幸福,期待腹中鼠B ...




楊思琦在情路上兜兜轉轉,上年終於找到真命天子驚爆秘婚並懷上第二胎,但至今BB性別及爸爸身份依然成謎,脫離單親媽媽身份找到心靈伴侶一臉幸福,期待腹中鼠BB出世,思琦即將成為兩孩之母,7歲女兒楊卓穎(Krystal)將升任家姐,戥媽媽找到真愛開心。思琦陀B仍把握機會,大膽出差跳舞賺外快,為韓國體驗之旅添上一份驚險。



現年41歲的楊思琦於2012年未婚誕下現年7歲的女兒楊卓穎(Krystal),翌年思琦迅即產後復出急搵奶粉錢,這些年來一直身兼父職當上單親媽媽,去年10月突然宣佈懷孕,年中時和圈外男友在海外註冊結婚,而10月時思琦正身在韓國為ViuTV拍攝旅遊節目《香港親善小姐》,身懷六甲仍然要出埠工作一星期,日前她在尖沙嘴接受訪問時憶述當時拍攝之苦,劇組並不知道她陀B出差,思琦說:「係特別辛苦,有一日要着住和服去宮殿,行好遠路,當時同事又唔知道,我又要急急腳好似鴨仔團跟住大隊,拍好多街景。」此行令思琦體驗韓國街頭文化,遇見很多韓國男團女團,同時令她驚心動魄,思琦說:「好深印象啲美魔女組合跳舞,佢哋可以為咗鍾意自己偶像去訓練自己舞技,好有毅力,而且全部都係媽媽級全部年紀四字頭以上,望落都仲好後生似年青人,當時拍攝都有難度,要我跟住一齊跳,一嚟節奏好勁, 同時劇組又唔知我大肚,我真係去咗跳hip hop好刺激,播出街大家睇到都會話我好曳。」



思琦現時自由身享受與不同單位合作,年前更賣肉大膽推出寫真又出歌,唱出自己感情世界,涉獵不同巿場,她坦言:「而家好過以前,自由咗,自己參與度抉擇度更高,以往人哋安排我做工作,而家自己更了解自己工作性質,可以做自己鍾意做嘅嘢。」今次節目中分享參選港姐經歷,湊巧當年思琦港姐外景是日本、韓國,勾起難忘回憶,她說:「當時去日本拍攝好凍,喺船上着住泳衣凍到震, 一路流鼻水又要索返上去,仲要好似好享受,完全未展現到自己美態得個震字,個狀態凍到縮埋一舊,仲要到廣場跳ParaPara舞,即學即跳。」



思琦雖然陀B但仍不時出動賺外快,對於BB性別,她說:「對我嚟講男女冇所謂,最緊要健康。」思琦和丈夫經濟獨立,大家給予自由度很高,她已計劃好產後的工作。人生終於圓滿組織家庭,思琦透露婚前婚後生活差不多,並說:「搵到心靈伴侶溝通,有咩心事有個人可以分享嗰種開心。」但至今老公身份高度保密,思琦解釋:「其實冇乜嘢,做咗藝人咁多年,好多嘢都公開,家庭係屬於自己,想留番啲空間唞氣喘息,我同正常人一樣,只係冇刻意去提。」思琦一直母女相依,女兒Krystal也知道有新任爸爸及即將升任姐姐,思琦幸福笑說:「佢知道啦,佢戥我好開心,開心到合唔埋個嘴。」尋尋覓覓終於找到歸宿,思琦曾和李泳豪拍拖9年主動斬情絲,後出現前香港跳水隊隊員吳帥,又傳戀上富商,思琦認為每一段感情都是學習,不會回望過去,現時幸福快樂最重要。



採訪:卓寶花

攝影:仇志德

DV片段:馮嘉銘

化粧:Jessica Chan

髮型:Chris Cheng@il Colpo

場地提供:馬哥孛羅香港酒店



(攝影:仇志德) 思琦現時自由身享受與不同單位合作,年前更賣肉大膽推出寫真。 思琦現時自由身享受與不同單位合作,年前更賣肉大膽推出寫真。
此行令思琦體驗韓國街頭文化,遇見很多韓國男團女團。

此行令思琦體驗韓國街頭文化,遇見很多韓國男團女團。
思琦和丈夫經濟獨立,大家給予自由度很高,她已預毨計劃產後的工作。

思琦和丈夫經濟獨立,大家給予自由度很高,她已預毨計劃產後的工作。
10月時楊思琦和向海嵐正身在韓國為ViuTV拍攝旅遊節目《香港親善小姐》。

10月時楊思琦和向海嵐正身在韓國為ViuTV拍攝旅遊節目《香港親善小姐》。
楊思琦和向海嵐到韓國拍外景時已身懷六甲。

楊思琦和向海嵐到韓國拍外景時已身懷六甲。
楊思琦和向海嵐跟美魔女組合跳舞。

楊思琦和向海嵐跟美魔女組合跳舞。

鍾意就快D Share啦!