掃呢頁CODE去手機

2020年1月2日 星期四

濱崎步:【經手人未明】濱崎步突然宣布生B做媽咪 __,濱崎步,

震撼!日本天后濱崎步啱啱係官方歌迷會網站突然宣布已生B升呢做媽咪!「私、昨年末に天使を産みママになりました(去年年底我誕下一位天使成為媽咪)」現年41 ...




震撼!


日本天后濱崎步啱啱係官方歌迷會網站突然宣布已生B升呢做媽咪!


「私、昨年末に天使を産みママになりました(去年年底我誕下一位天使成為媽咪)」現年41歲嘅步姐呢一句說話真係夠晒震撼,不過當中未有透露爸爸嘅身份,甚至乎係B仔定B女,保密功夫做到足!


2019年步姐一直都有工作公開見人,但係未見佢有肚大如籮嘅情況,所以有人推斷佢係搵代母生B,睇番上年步姐出活動時嘅情況,多次出現臃腫身形,有網民認為可能同懷孕有關,只係靠服裝搭夠遮住凸出嘅腹部,有坊間傳聞話步姐生嘅係男B,而BB爸爸就係比佢年輕嘅圈外人,現階段佢哋未結婚,未來亦冇結婚計劃。


不過網民普遍推測BB經手人最大機會係同步姐傳緋聞嘅小鮮肉舞蹈員新歡荒木駿平,男方同濱崎步年紀相差20年。步姐前年底爆出同年荒木駿平緋聞,去年6月再被爆拍拖遊夏威夷,外界隨即有不少流言蜚語,嘲笑兩人搞母子戀,但步姐一於懶理。佢哋去年更被發現戴同款戒指,令傳媒揣測呢段母子戀隨時開花結果,步姐有機會第三度做新娘。步姐曾兩度結婚,步姐於2011年元旦宣布與演出《Virgin Road》MV的奧地利模特兒Manuel Schwarz註冊結婚,可惜翌年1月宣布離婚。2013年12月13日佢宣布再婚,與25歲美籍男友Tyson結婚,可惜婚姻只能維持三年。


升呢做咗媽咪嘅濱崎步年年都舉行倒數演唱會,2019年大除夕亦於代代木競技場第一體育館舉行「ayumi hamasaki COUNTDOWN LIVE 2019-2020 ~Promised Land~ A」演唱會,並作電視直播。開騷前一天,她還在社交網表示很緊張。而數小時前她上載開騷相片,身材十分Fit,下月開始,步姐將於半年間舉行38場全國巡唱,屆時她要兼顧歌手與母親兩職,2020年將相當辛苦。

來源 source: http://hk.on.cc
鍾意就快D Share啦!