掃呢頁CODE去手機

2020年1月21日 星期二

駱胤鳴:獲男友驚喜求婚 駱胤鳴質疑自己智商呻中計 __,駱胤鳴,

駱胤鳴之前已經影晒婚照,今次終於如願被幸福求婚喇~歌手駱胤鳴早前宣布同男友會喺今年12月27日結婚,仲大爆影婚照時男友先記得求婚,不過就冇講嘢,令佢唔 ...




駱胤鳴之前已經影晒婚照,今次終於如願被幸福求婚喇~


歌手駱胤鳴早前宣布同男友會喺今年12月27日結婚,仲大爆影婚照時男友先記得求婚,不過就冇講嘢,令佢唔滿意兼唔收貨。話口未完,今日駱胤鳴就喺社交網宣布男友喺主題公園求婚,仲話男友搵埋佢成班老友包括麥美恩、許文軒、蘇可欣等幫手呃佢,令佢懷疑自己智商添!佢話:「我曾經以為男友是唯一會對我完全誠實的人。直到我見到我的好友們,逐個逐個欺騙我開始,我真心質疑自己的智商,怎麼會識穿不到這場驚天大陰謀,明明我日日都催促男友補求一次婚,然後我還是會上當。」


做麥美恩許文軒煙幕?


佢笑言自以為好聰明,但多疑嘅佢冇絲毫懷疑,仲搞笑話以為自己係麥美恩同許文軒嘅煙幕:「原來他們才是煙幕!男友暪住我一個月,串通我全部好友,為的就是跪下來再求一次婚,再給我一個機會拒絕他。」


有老公唔介意蠢一世


雖然有咁大個驚喜,但駱胤鳴依然好冷靜:「但我不爭氣,原諒我沒有如他預期中嚎哭不止,也沒有拒絕他。雖然不記得他講了甚麼(感激阿峰幫手拍下來)也不記得為甚麼戒指又戴不上去,但那一刻我知道,雖然他從來沒有承諾會給我再求一次婚,但他給予我他的全世界。」駱胤鳴話大家都問佢到底有冇識穿呢個求婚計劃,而疑心大嘅佢直言完全冇發現破綻,仲表示中計都唔可恥:「中計,多了個老公,我亦不介意蠢一世。」認真冧到爆!

來源 source: http://hk.on.cc
鍾意就快D Share啦!