掃呢頁CODE去手機

2020年1月18日 星期六

【頭條獨家】《五星級絲打》女主持一拍即合 沈卓盈夾埋倪晨曦恰鄺芷凡 __,倪晨曦,沈卓盈,鄺芷凡,

倪晨曦、沈卓盈、鄺芷凡首次合作的三人一聚埋便嘈到拆天。
【頭條獨家】《五星級絲打》女主持一拍即合 沈卓盈夾埋倪晨曦恰鄺芷凡倪晨曦、沈卓盈、鄺芷凡首次合作的三人一聚埋便嘈到拆天。沈卓盈(Jess)、倪晨曦(E ...




《五星級絲打》女主持一拍即合 沈卓盈夾埋倪晨曦恰鄺芷凡倪晨曦、沈卓盈、鄺芷凡首次合作的三人一聚埋便嘈到拆天。沈卓盈(Jess)、倪晨曦(E ...




【頭條獨家】《五星級絲打》女主持一拍即合 沈卓盈夾埋倪晨曦恰鄺芷凡



倪晨曦、沈卓盈、鄺芷凡首次合作的三人一聚埋便嘈到拆天。

沈卓盈(Jess)、倪晨曦(Elva)及鄺芷凡(Omi)近日一同主持香港開電視節目《五星級絲打》,所謂「三個女人一個墟」,首次合作的三人一聚埋便嘈到拆天,新婚的Jess不時跟準人妻Elva分享籌備婚禮的心得,仲笑言收集了許多生B秘方,試過Work就會傳授畀對方!至於節目中的粗重功夫,梗係留待後生女Omi啦,好在她都不介意被兩位姐姐「恰」。撰文:黎寶倫攝影:李維隆服裝:Pret a dress(沈卓盈)、Maje(倪晨曦)、METHODOLOGY(鄺芷凡)妝髮: Carmen Lau(沈卓盈)、Janice Lam @glowmakeupacademy & Eas Fu @Admixhairstyling(倪晨曦)場地:Kowloon Party Room鳴謝:Barry@巧鬆啲工作室

(左起)倪晨曦、沈卓盈、鄺芷凡為香港開電視新節目《五星級絲打》擔任主持,首次合作的3人異常合拍。
(左起)倪晨曦、沈卓盈、鄺芷凡為香港開電視新節目《五星級絲打》擔任主持,首次合作的3人異常合拍。
獲封「打卡之最」的沈卓盈,澄清都有幫大家影相,目的為留下開心回憶。

獲封「打卡之最」的沈卓盈,澄清都有幫大家影相,目的為留下開心回憶。

沈卓盈、倪晨曦及鄺芷凡為新節目《五星級絲打》擔任主持,跟一眾絲打分享食買玩和扮靚心得,年僅23歲的Omi在兩位前輩面前,自然首當其衝做「白老鼠」試盡各式新奇產品,笑問可覺畀人恰?她否認:「唔會,我都想知道效果,係好玩嘅。」事實上,首次合作的她們私下十分投契,第一日開工已嗶哩叭啦嘈到爆,夾到連導演都好意外!

爆Jess係沈大爺

訪問時三人開始互相爆料,外表斯文的Jess不單止被揭性格直率、男仔頭,有「沈大爺」之稱,仲經常鼓勵拍檔騷Quali,她亦不諱言恨出Trip跟兩人玉帛相見,Omi笑謂:「佢成日叫人行內衣Show,又想Elva着泳衣做瑜伽!」Elva即搭嘴︰「其實呼聲最高係Jess!」Jess解釋只想親睹對方的Fit爆身材,但自己又可會着比堅尼呢?她笑道:「同朋友去玩OK,鏡頭前就要問吓老公,始終要顧及另一半感受。」

倪晨曦自嘲骨子裏冇女人味又唔Sexy,故甚少於鏡頭前作性感打扮。

倪晨曦自嘲骨子裏冇女人味又唔Sexy,故甚少於鏡頭前作性感打扮。
堪稱「High-tea皇后」的沈卓盈(左)於節目中,帶倪晨曦到各大靚餐廳品嘗佳餚及打卡。

堪稱「High-tea皇后」的沈卓盈(左)於節目中,帶倪晨曦到各大靚餐廳品嘗佳餚及打卡。

盡情享受Big Day

提到2月便升呢人妻,Elva也特意向Jess取經,去年2月秘嫁商人Calvin的Jess透露,當時籌備婚事而壓力大到自然瘦,雖見親友都玩得好開心,但她說:「擔心招呼朋友唔周到,自己都冇特別享受,所以我都同Elva講一定要享受過程,因為嗰個Moment過咗就冇。」Elva則說:「我好放鬆,𠵱家都未緊張,因為我想Focus做好個節目先。」至於造人大計,二人均表示急不來,一切順其自然,Jess更笑稱將來要過對方兩招:「身邊啲朋友係咁傳授生B秘方畀我,所以𠵱家收咗好多資訊,等有需要時再慢慢試用,如果中嘅話,我會即刻彈畀Elva!」

作為90後的鄺芷凡負責晒身材,兼充當「白老鼠」試產品。

作為90後的鄺芷凡負責晒身材,兼充當「白老鼠」試產品。
倪晨曦與圈外男友將於2月在港擺酒。

倪晨曦與圈外男友將於2月在港擺酒。
沈卓盈去年2月下嫁內衣商人Calvin。

沈卓盈去年2月下嫁內衣商人Calvin。

鍾意就快D Share啦!