咁大膽！？唔怕老婆嬲咩...
歌手吳若希出席內衣騷，性感演繹，問到事先有冇經老公過目？她說：「佢今朝車我時先知，但佢揸車冇咩望過，今晚番去先睇。（大家都睇完先畀佢睇？）所以我已經同公關要求，要套再性感嘅返屋企着。（平時係咪都會着情趣內衣？）少，依家接觸到，覺得都唔錯，悅己又可悅人。」
身材平平無奇的吳若希，問到會否想胸大啲？她說：「我着住呢件衫，喺髮型屋整緊頭髮都有刻懷疑，着唔到壯觀效果，不過我髮型師話唔係，話我着得好fashion，要靚同fashion唔可以太有身材，我鍾意fashion啲，我係標準模特兒身材，啲衫都唔使改。」
問到老公滿唔滿意她的身材？她說：「咁你要問吓佢，佢一時一樣，我見佢IG follow啲女明星都好有身材，有follow韓國女明星，好瘦好豐滿，又有follow馬來西亞林明禎。我有問過佢鍾意好胸定好忙嘅人，（忙？）即係冇空（胸）閒時間嘅人，佢喺我面前當然話鍾意我。（你唔呷醋？）唔會，某個程度上我都鍾意睇身材好嘅女仔，大家打和。」
來源 source: http://hk.on.cc
|
鍾意就快D Share啦！
|
|
|
