網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2020年1月14日 星期二

【不讓負面新聞打倒】廖碧兒反擊被稱「拜金」 由婆婆栽培成自給自足 __,廖碧兒,

(攝影:林德雄)
廖碧兒(Bernice)19歲參加華裔小姐,由選美轉到演戲,再涉足紅酒事業、餐飲生意。入行快將20年,今年也是她踏入40歲的年頭,在娛樂圈足足經歷人生 ...




廖碧兒(Bernice)19歲參加華裔小姐,由選美轉到演戲,再涉足紅酒事業、餐飲生意。入行快將20年,今年也是她踏入40歲的年頭,在娛樂圈足足經歷人生的20、30、40歲月,Bernice笑言自己現時跟20歲時一模一樣,她說:「20歲好搏命做嘢,因為一定要珍惜、好好把握,就算吊威吔都唔要替身,想自己做晒;30歲會有其他嘢想做,因為賺到少少錢,開始想投資,開始諗仲可以做到啲乜嘢,會想利用自己身份去做其他嘢,所以就去做生意;而家啱啱先踏入40,我唔想set定一個目標,因為咁樣可能會失去其他機會,始終去到今時今日,我都冇諗過自己會做我而家做緊嘅嘢,我屋企唔係自小就栽培我做娛樂圈,我媽咪仍然係BB嗰時打緊仗,只係諗住點樣出國,最緊要係大家有得食,其實我哋而家係好幸福,幸福到大家忘記咗自己有幾幸福。」



Bernice瓣數多多,釀紅酒、搞生意,不過一直都未曾想過離開幕前,Bernice去年已拍了4部劇集,但她仍堅持讀書,將自己的時間填得滿滿:「成日都諗,做咗咁多年,工作上都想輕返少少,多啲陪吓屋企人,但係最終都係唔得,尤其係讀書,一路拍嘢,跟本就full晒。生意其實都係興趣,08年我對葡萄酒有興趣,仲開始釀酒,而家已經10年嘞,同啲朋友開酒吧7年,4年前經營中央廚房,一切都好順利,其實真係冇壓力,開酒吧係因為同朋友一齊有個地方可以去,唔舒服就閂咗佢,冇乜所謂,呢段時間冇蝕錢,都好驚喜。」過去一年來,Bernice每星期也會兼顧拍劇,又要飛返加拿大讀書,而本月中她將會暫別香港,返回溫哥華完成工商管理課程:「我拍埋啲廣告就停落嚟,月中返加拿大,明年3月合格我就畢業,不過我唔可以停落嚟,一停我就病,所以或者諗吓繼續讀咩,或者讀埋品酒4級同master,咁樣可以令到個人前進。」



事事看來如意,不過感情仍然落空,經歷多段感情可惜卻未能開花結果,現時Bernice仍然渴望結婚生小孩,她說:「其實都想嘅,但係冇得強求,要有啱嘅partner先,如果唔係會好自私,去到尾冇都冇所謂,每個人嘅路唔同,每個家庭唔一樣,如果有另一階段,要搵個溝通到先,我冇乜時間搵,佢哋會搵我。」眼見過去的舊情人也結婚生仔,Bernice祝福他們:「大家需求唔一樣,最緊要大家開心、健康,世界和平,大家嘅路唔樣,我做到嘅嘢佢哋都未必做到,對得住自己先最重要。好似支持我做酒嘅咪有得飲囉,唔支持嘅就冇得飲。」



現時Bernice懂得平衡生活,享受人生,對於男女感情也看得淡,她說:「無論感情同愛情都好,我都係人嚟,呢啲都係過程同經驗,雖然未必係好,冇話啱定錯,而家可能會聽多啲,講說話都要小心啲,呢個係成長嘅過程。」問到最受傷害的是哪一段感情?她笑說:「得幾個咋,一隻手都數得晒,我呢個年紀嚟講好少咋,其實我唔覺得係hurt,感情教咗我好多嘢,我覺得唔需要用時間去了解一個人,因為人嘅性格係唔會變嘅,你第一個感覺就應該係中,如果嗰個人係對你好,一日裏面佢都會好留意你同記得你嘅嘢,睇吓你肯唔肯接受,可能一識就好夾,大家就到大家就最perfect。而家會多咗時間陪朋友,會逼自己攞啲時間出嚟,拍拖係正常。」



多年來經常被扯到「拜金」二字,Bernice說:「好好彩細個有婆婆嘅栽培,當時婆婆照顧我哋,屋企後面有種菜,我哋會自己種嚟食,所以最簡單嘅生活其實係最開心,我係有過咁簡單嘅生活,我同婆婆用手搣蒜頭。其實話我咩拜金,佢有冇真係坐喺我隔籬?啲人識得話人唔識得話自己,大家見到嘅先係最好,大家都見到我係點樣出道,投資買樓由邊度買到邊度都知,咁多年我都照顧得我屋企好好,爸爸媽媽都叫我唔使理人點講。」不過Bernice揚言負面新聞不會打倒她,對她最大打擊是腳傷導致腰椎骨裂,要休養3個月,熱愛跳舞的她以為自己再不能繼續夢想,是她人生最脆弱的時候,幸好最終康復過來,令她重新大洗牌:「工作還工作,唔係金錢畀到你身份,錢永遠都賺得到,人格先係屬於我自己,屋企人同健康係最重要。」



採訪:羅慧敏

攝影:林德雄

攝錄:葉君海

化妝:Ivan Lee

髮型:Chris Cheng @ iL COLPO Platinum

場地提供:McSorley's Brewhouse & Grill



(攝影:林德雄)  在娛樂圈足足經歷人生的20、30、40歲月,Bernice笑言自己現時跟20歲時一模一樣。 在娛樂圈足足經歷人生的20、30、40歲月,Bernice笑言自己現時跟20歲時一模一樣。
過去一年來,Bernice每星期也會兼顧拍劇,又要飛返加拿大讀書。

過去一年來,Bernice每星期也會兼顧拍劇,又要飛返加拿大讀書。
 經歷多段感情可惜卻未能開花結果,現時Bernice仍然渴望結婚生小孩。

經歷多段感情可惜卻未能開花結果,現時Bernice仍然渴望結婚生小孩。
 現時Bernice懂得平衡生活,享受人生,對於男女感情也看得淡。

現時Bernice懂得平衡生活,享受人生,對於男女感情也看得淡。
 Bernice揚言負面新聞不會打倒她,對她最大打擊是腳傷導致腰椎骨裂。

Bernice揚言負面新聞不會打倒她,對她最大打擊是腳傷導致腰椎骨裂。
 眼見過去的舊情人也結婚生仔,Bernice祝福他們。

眼見過去的舊情人也結婚生仔,Bernice祝福他們。

鍾意就快D Share啦!