掃呢頁CODE去手機

2020年1月24日 星期五

【老友馬明拎獎都無影】鄭嘉穎忙做帶子洪郎 單拖孭囝囝行花市 __,鄭嘉穎,馬國明,馬明,

上星期馬國明拎視帝,當年一齊拍《鐵馬尋橋》嘅演員都戥佢開心,仲一齊影大合照。當年馬明同鄭嘉穎、林子善、唐詩詠一齊拍《鐵馬尋橋》,幾個人之後仲做埋老友, ...






上星期馬國明拎視帝,當年一齊拍《鐵馬尋橋》嘅演員都戥佢開心,仲一齊影大合照。當年馬明同鄭嘉穎、林子善、唐詩詠一齊拍《鐵馬尋橋》,幾個人之後仲做埋老友,經常都會有飯局。咁點解今次馬明拎獎咁大件事,嘉穎都唔黎恭喜?搞到馬明要自己P圖先可以齊人。

其實嘉穎未必唔係唔想嚟,只係佢都真係好忙架。上年2月嘉穎囝囝Rafael出世,佢唔單止減產陪囝囝,老婆陳凱琳要開工唔得閒,

嘉穎仲要做埋湊仔公。

好似呢日壹仔就喺行完花市嘅人叢之中,發現嘉穎嘅蹤影喇,頂帽好熟口面喎,原來之前嘉穎都係戴呢頂帽湊仔,唔通呢頂「湊仔帽」有特別功能?

嘉穎前面孭住囝囝,側邊又掛住個奶粉袋,唔介意一袋二袋,論論盡盡咁喎,完全係慈父上身。而就嚟一歲嘅Rafael,腳仔長長又眼大大,有晒阿媽陳凱琳嘅優良血統。

見到嘉穎全程都係自己一個,睇嚟呢一年嘉穎嘅湊仔功力,已經大幅進步,一個人帶住囝囝去街都無問題喇。

-----------------------------

【壹週刊直播平台 ChannelNEXT】

全城抗暴 區區論壇同你深度剖析

立即睇

-----------------------------

【升級壹會員登記站 為你解疑難!】

親臨旺角做升級壹會員,即送「香港人:抗爭之夏」限量明信片

詳情地址


鍾意就快D Share啦!