網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2020年1月10日 星期五

關智斌被女拍檔嚇親 拍咀戲伸脷 __,關智斌,

關智斌<br>咀還咀,唔好伸脷(設計對白)
關智斌被女拍檔嚇親拍咀戲伸脷關智斌出道至今參演不少戲劇,自爆有次拍接吻戲時,一位女新人強行伸脷,嚇到他眼凸,惟有靠棚牙頂住力保不失。衛詩雅亦大爆遇過「 ...




關智斌被女拍檔嚇親 拍咀戲伸脷

關智斌出道至今參演不少戲劇,自爆有次拍接吻戲時,一位女新人強行伸脷,嚇到他眼凸,惟有靠棚牙頂住力保不失。衛詩雅亦大爆遇過「鹹豬手」,呼籲受害者勿啞忍!

跳唱組合出身的關智斌(Kenny)近十年以拍戲為主,演出超過半百部電影、劇集,跟中港兩地不少女星合作。最近他跟陳家樂、楊天宇主持英皇網上節目《三夫當關》,最新一集邀衛詩雅(Michelle)及連詩雅(Shiga)任嘉賓,大談拍親熱戲的主題,Kenny更自爆曾被女演員強行舌吻!

拍攝前勁緊張

眾人討論拍咀戲時應否伸脷,家樂及Shiga異口同聲表示要有「演員道德」,要在雙方有共識下才能舌吻,Kenny即搶答:「梗係唔應該」然後自爆之前被女演員強行舌吻的經驗,他指對方是一位女新人,拍攝前已非常緊張:「我同佢講冇嘢好緊張,好似平時同男朋友錫吓就得o架喇。我講咗句咁嘅嘢,正式拍同佢咀嘅時候,點解突然間咁呢?我擘大對眼Feel到有啲唔妥,咦!原來佢伸咗條脷過嚟,我就合埋個嘴用啲牙頂番過去。」據知,當日錄影節目時,在場工作人員八卦追問Kenny口中的「女新人」是誰?更一齊起哄叫他開名,但他有演員道德,堅拒洩露對方身份。

衛詩雅拒透露「鹹豬手」男星身份。
  • 衛詩雅拒透露「鹹豬手」男星身份。
連詩雅拍咀戲前必定潄口。

  • 連詩雅拍咀戲前必定潄口。
陳家樂、衛詩雅、連詩雅、楊天宇與關智斌大談拍親熱戲的經歷。

  • 陳家樂、衛詩雅、連詩雅、楊天宇與關智斌大談拍親熱戲的經歷。

Kenny分別跟內地女星趙麗穎、孫雪寧於《秀麗江山之長歌行》及《拜見宮主大人》有咀戲,趙麗穎演戲經驗豐富,跟Kenny更是老拍檔,當年他們合演的劇集《追魚傳奇》,更令他在內地人氣急升。而孫雪寧入行日子尚淺,但跟Kenny合作前也拍過好幾套戲,相信亦不是Kenny口中的新演員。去年Kenny透露於電影《墮落花》有多場激情戲,除了溫碧霞外,又與同公司的郭奕芯大膽肉搏,但兩女似乎也不是Kenny遭舌吻的嫌疑人。

Shiga難頂吸煙男

至於Michelle分享遇上「鹹豬手」的經驗,同樣堅拒透露對方身份:「個男仔成日做啲多餘嘅嘢,會無啦啦攬埋嚟,仲要對住工作人員都係咁。」有一次更突然為女工作人員按摩,幸好有人伸出援手,成功解救女同事!Michelle呼籲:「無論男女,你覺得唔舒服,都一定要出聲,唔使驚人話你博新聞,時間會證明。」

Shiga則透露曾經有男拍檔身上有極濃煙味,令她感到不太舒服:「拍咀戲前我一定會潄口,覺得如果嗰日要拍,係咪可以唔好食咁多(煙),覺得唔係太尊重對手。」




鍾意就快D Share啦!