掃呢頁CODE去手機

2020年1月2日 星期四

【獨家專訪】薛世恒談與前妻陳法拉離婚︰最難受呢個係事實 __,薛世恒,陳法拉,

 (資料圖片/ 右圖攝影︰陳慧安)
早前Daniel在九龍灣接受《蘋果》獨家專訪,過往甚少談及前妻陳法拉的他,坦言只想說一次,往後亦不想再談論。問他為何接拍這個節目,他說︰「而家係一個時 ...






早前Daniel在九龍灣接受《蘋果》獨家專訪,過往甚少談及前妻陳法拉的他,坦言只想說一次,往後亦不想再談論。問他為何接拍這個節目,他說︰「而家係一個時候,唔需要再去迴避,唔想再尷尬,寧願講一次,可以以後都唔使再講。」薛世恒和陳法拉於2007年傳秘婚,當時二人一直避談,及後逐步浮面,二人曾一齊出席活動,可是2013年傳出二人離婚消息。失婚6年,Daniel首談感受,問他是否不想面對?他說︰「都係,想正面咁面對番件事,唔單止係感受,係一個經歷,我想從呢個經歷講啲正面嘢,因為呢個係一般人唔會想講嘅話題,但我情願正面去講,其實都唔係咁恐怖啫!」



今次他隨製作團隊遠赴烏克蘭,他笑指此行的最大得着,就是不斷談離婚的話題,反而令他感覺輕鬆,他說︰「咁多年好少出自我把口,尤其喺鏡頭前,而家喺鏡頭前不斷講呢樣嘢,講到唔覺得有任何避忌。」問他之前離婚的那段日子,最辛苦是否不能說?他說︰「其實我有好多機會去講,我真係好多謝我啲朋友,佢哋咁有耐性,不斷聽我講聽我訴苦,我只係冇同傳媒講,私下不斷煩我啲朋友。」離婚的經歷對他是個考驗,「最辛苦係要長大,唔好望自己咁多。唔睇自己咁多,多啲睇人哋,其實就冇嘢,要學呢個功課唔容易。」



一段婚姻終結,當事人總要放下,「要用年嚟計,好幾年時間。」那時他的朋友苦口婆心,叫他給自己一個期限,期限過後別再想,但他覺得不可行。問他是否很難受?他說︰「最難受係,呢個係事實,冇人結婚會想離婚。」Daniel指自己的父母關係好好,故在他的世界中沒有離婚這回事,他苦笑說︰「唔會相信發生喺自己身上。但當呢個係事實,我唔知點去處理同接受。因為你嘅另一半,分分秒秒做緊一個決定,唔想再繼續,件事就變得非常真實。」



換言之,Daniel沒想過離婚︰「冇人會想離婚,唔係唔愛,係冇力再去相處,太攰」當日可有挽留過?他說︰「挽留?絕對有,因為我冇呢個概念,所以一開頭我唔覺得係事實,嗌交啫!咪o氹番囉,但係o氹吓o氹吓,變成⋯⋯等。」是否女方提出離婚?他說︰「咁就唔好咁講,我覺得真係冇人想。」



結得婚始終有感情,當分開難免會傷心,「真係...會破壞形象,哈哈!真係好唔開心,好多謝身邊嘅朋友,佢哋好support我。人係知道咩應該做,咩唔應該做,我夠知日日要早起,但有冇力呢?(冇力到咩程度?)我諗如果去睇醫生,醫生會話有抑鬱嘅程度。(你收埋自己?)唔可以話係收埋,都要繼續工作,但好似機械式咁做嘢⋯⋯(頹廢咗幾耐?)我冇數,只可以用年嚟計。」Daniel是基督徒,幸好信仰幫他走出陰霾,更幫他找出答案。



離婚已成事實,夫妻變成摯友,總好過變成陌路人,難得薛世恒和陳法拉,再見亦是朋友仍有聯絡。去年5月陳法拉再婚,薛世恒比任何人更早獲通知。面對前妻再婚,總有點酸溜溜吧!他有點尷尬說︰「你話冇感覺就假,我當然戥佢開心。其實亦係一種釋懷,佢有個美滿嘅開始,我就少咗一樣顧慮。點解之前我話係時候,唔使再擔心以前嘅事同人。(放低咗?)都放低咗好耐,係有啲唔同,唔知點樣去形容。」



對於過去的種種,Daniel可曾說過些話或做過些事,令他後悔?當他聽到「後悔」二字,便嘩了一聲並深呼吸,靜了片刻說︰「我係個向前望嘅人,無謂去後悔,當然,一隻手掌係拍唔響。」



採訪︰羅婉玲

攝影︰陳慧安

攝錄︰廖達燊

場地︰LL Production House



(資料圖片/ 右圖攝影︰陳慧安) 薛世恒首度開腔談離婚,及前妻陳法拉。 薛世恒首度開腔談離婚,及前妻陳法拉。
當年二人的夫妻關係逐步浮面,可惜2013年離婚收場。(資料圖片)

當年二人的夫妻關係逐步浮面,可惜2013年離婚收場。(資料圖片)
面對失婚,薛世恒坦言以年來計,才能放下。

面對失婚,薛世恒坦言以年來計,才能放下。
去年5月陳法拉再婚。 (資料圖片)

去年5月陳法拉再婚。 (資料圖片)
薛世恒隨製作團隊,遠赴仍有內戰的烏克蘭。 (受訪者提供)

薛世恒隨製作團隊,遠赴仍有內戰的烏克蘭。 (受訪者提供)
此行,他形容既值得,亦是對自己一個考驗。(受訪者提供)

此行,他形容既值得,亦是對自己一個考驗。(受訪者提供)
他和葉蘊儀同是失婚人士,二人於節目中一齊坐熱氣球。(受訪者提供)

他和葉蘊儀同是失婚人士,二人於節目中一齊坐熱氣球。(受訪者提供)

鍾意就快D Share啦!