掃呢頁CODE去手機

2020年1月7日 星期二

【三個女人一個墟】沈卓盈升級被讚完美人妻 女神倪晨曦變「女漢子」 __,倪晨曦,女神,沈卓盈,

 (攝影:仇志德)
兩位幸福人妻沈卓盈(Jess)和倪晨曦(Elva),帶着23歲的小絲打鄺芷凡(Omi)拍攝開電視的新節目《五星級絲打》,帶大家捐窿捐罅分享扮靚、潮物、 ...




兩位幸福人妻沈卓盈(Jess)和倪晨曦(Elva),帶着23歲的小絲打鄺芷凡(Omi)拍攝開電視的新節目《五星級絲打》,帶大家捐窿捐罅分享扮靚、潮物、打卡好玩的五星級好去處,讓男女觀眾開心享受應有的quality time。兩位靚靚人妻配上一個單身少女,可惜節目沒有談及感情事,不過她們私底下會經常分享,Omi笑言要向她們取經,當正她們顧問,自己即成了問題少女。問到若然女方對男仔一見鍾情,兩位女神認為應否採取主動呢?Jess說:「我哋好照顧Omi嘅終身大事,若果係女仔對個男仔有意思,唔需要做主動,應該用方法吸引對方。」Elva亦教路說:「自然得嘞,做返自己,將來有得發展嘅話係日對夜對,你唔做自己將來都好辛苦。其實觀察好重要,你幾鍾意嗰個人都好,你都唔知佢係咪扮嘢,所以要留意一下,要帶定測謊機。」Omi相當受教,她笑說:「咁我要精心打扮,着戰衣,等自己好似有道光環咁,哈哈哈。內心都好期待好似佢哋咁,搵到個人可以同你行埋呢段人生,好戥佢哋開心。」



在節目中三人各自負責在行的範疇,Elva負責扮靚資訊、Jess負責打卡必到地方,而Omi則是大家的白老鼠。正所謂三個女人一個墟,她們走在一起的確製造了不少噪音,Elva笑說:「兩個分開拍還好啲,三個走埋一齊嘈到連司機都頂唔順,大家成日都好熱鬧,有一次拍攝時太興奮大家不停喺度尖叫,我哋睇返playback,都聽唔到大家講緊乜嘢。」Jess笑言大家也是真情流露,都沒有太在意是否太嘈吵,主要是想輕鬆開心。



三人首次合作,擦出不少火花,Jess被冠上「沈大爺」的花名,Omi說:「佢升咗級呀!由沈大師升呢做沈大爺,佢係完美人妻,有時一見到我哋就會好欣賞咁話『你今日着得好靚,除好似行泳衣騷咁』。俾佢欣賞係好開心嘅。佢每次拍嘢都會準備好相機,係我哋嘅攝影師。」她們又取笑Elva是大忙人,經常手機不離手,是爽快的人,故為她取花名「女漢子」。這麼合拍,她們謂明年的目標是希望繼續以吸引力法則,推出part 2,衝出香港,走遍全世界,問到她們到時可會穿泳衣派福利?她們均笑言期待Jess展現身材。另外,這次是Jess離開大台後首次跟其他電視台合作,她表示開心有兩位靚拍檔一同合作,還祝願節目長做長有。



採訪:羅慧敏

攝影:仇志德

攝錄:廖達燊

場地提供:Kowloon Party Room



(攝影:仇志德) Elva負責扮靚資訊、Jess負責打卡必到地方,而Omi則是大家的白老鼠。 Elva負責扮靚資訊、Jess負責打卡必到地方,而Omi則是大家的白老鼠。
 兩位靚靚人妻配上一個單身少女。

兩位靚靚人妻配上一個單身少女。
 Elva是大忙人,經常手機不離手

Elva是大忙人,經常手機不離手
 Elva是爽快之人,被取花名為「女漢子」。

Elva是爽快之人,被取花名為「女漢子」。
 Jess被冠上「沈大爺」的花名。

Jess被冠上「沈大爺」的花名。
 這次是Jess離開大台後首次跟其他電視台合作,她表示開心與兩位靚女做拍檔。

這次是Jess離開大台後首次跟其他電視台合作,她表示開心與兩位靚女做拍檔。
 Omi笑言要向她們取經問感情事。

Omi笑言要向她們取經問感情事。

鍾意就快D Share啦!