網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2020年1月10日 星期五

西甲:美斯冇晒計 巴塞末段突然崩潰出局 __,美斯,

(GettyImages)唔止足球睇波,仲有24小時滾動賠率,即時體驗:https://bit.ly/2UmNL0L 移師沙特阿拉伯嘅西班牙超級盃周五 ...




(Getty Images)


唔止足球睇波,仲有24小時滾動賠率,即時體驗:https://bit.ly/2UmNL0L 


移師沙特阿拉伯嘅西班牙超級盃周五(10日)凌晨上演另一場4強大戰,結果巴塞隆拿在領先2比1優勢下,末段突然崩潰連失兩球,以2比3不敵馬德里體育會,皇馬對巴塞嘅夢幻決賽打唔成,今屆賽事將由皇馬對馬體會,於沙特上演馬德里打吡爭冠。


巴塞雖然主導賽事,控球率73%,射門16次9中,但對住擅守嘅馬體會攞唔到着數,半場踢成0比0,下半場重開17秒立即失守,馬體會於前場一輪互傳,最終由佐治高基於12碼點勁射破網,馬體會領先1比0。


巴塞失守後爆發,51分鐘蘇亞雷斯同美斯禁區頂做單擋,美斯扭過兩名後衞勁射扳平1比1,呢位阿根廷球王於59分鐘再度破網,翻看VAR判斷美斯控波時犯手球,入球被推翻,錯失反先機會。


62分鐘巴塞終於反超前,佐迪艾巴左路大腳送入禁區,蘇亞雷斯小禁區頭槌勁頂被擋出不遠,基沙文近門頭槌補中,為巴塞頂成2比1。72分鐘巴塞再送球入網,維達爾右路送予碧基近門撞射破網,但VAR判決維達爾越位,巴塞再食詐胡。


巴塞未能拉開比數,踢到末段終於出事,馬體會今仗6射6中,臨尾兩腳砌低巴塞,81分鐘馬捷恩佩雷斯單刀入禁區巴塞門將尼圖掃跌博得12碼,艾華路莫拉達主射扳平2比2,86分鐘巴塞又畀對手單刀,安祖哥利亞起腳省中尼圖彈高入網,馬體會反勝3比2完場。

來源 source: http://hk.on.cc
鍾意就快D Share啦!