2020年1月5日 星期日

【網民笑鄧炳強係失散兄弟】錢嘉樂廿四孝女婿陪外父外母 湯盈盈影家庭相勁緊張 __,湯盈盈,鄧炳強,錢嘉樂,

新任警務處處長鄧炳強,之前講會派警員,喬裝唔同人仕,結果俾網民串,幾時喬裝錢嘉樂。而真正嘅錢嘉樂,同湯盈盈結婚7年,兩個女分別6歲同4歲。呢日壹仔見到 ...






新任警務處處長鄧炳強,之前講會派警員,喬裝唔同人仕,結果俾網民串,幾時喬裝錢嘉樂。

而真正嘅錢嘉樂,同湯盈盈結婚7年,兩個女分別6歲同4歲。呢日壹仔見到佢哋一家出巡,湯盈盈好好力,全程抱住細女,不過睇真啲,今次好似唔只一家四口喎,原來湯盈盈父母都喺度,加埋工人姐姐,一行七人相當大陣仗。

湯盈盈話過,父母每年都會由加拿大返香港避寒,難得咁齊人,嘉樂仔都好乖,唔單只全程陪住外父外母,就連點菜,都係由外母話事。食到咁上下,兩個女都開始有啲悶,湯盈盈就出動電子奶咀。

食飽飯,一家人未夠喉,繼續喺商場行街,見到有擺設,為咗影相,湯盈盈亦唔介意自己一個去排隊先,之後錢嘉樂先拖住囡囡現身,一家人齊齊合照,不過唔係外父外母揸機,反而係由工人姐姐操刀,湯盈盈即刻睇吓影得好唔好,仲要放大check逐part睇,睇嚟佢真係好緊張啲家庭照,睇返湯盈盈以前啲家庭相,又真係有返咁上下水準喎!

攝錄:蕭敬漁

-----------------------------

【壹週刊直播平台 ChannelNEXT】

全城抗暴 區區論壇同你深度剖析

立即睇

-----------------------------

【升級壹會員登記站 為你解疑難!】

親臨旺角做升級壹會員,即送「香港人:抗爭之夏」限量明信片

詳情地址


鍾意就快D Share啦!
Related Posts Plugin for WordPress, Blogger...