掃呢頁CODE去手機

2020年1月20日 星期一

【頭條獨家】富貴男友專車管接送 待嫁陳庭欣買花膠冧「未來奶奶」 __,陳庭欣,

待嫁陳庭欣日前去上環買花膠冧「未來奶奶」,並獲富貴男友專車管接送。
【頭條獨家】富貴男友專車管接送 待嫁陳庭欣買花膠冧「未來奶奶」待嫁陳庭欣日前去上環買花膠冧「未來奶奶」,並獲富貴男友專車管接送。陳庭欣(Toby)的有 ...




富貴男友專車管接送 待嫁陳庭欣買花膠冧「未來奶奶」待嫁陳庭欣日前去上環買花膠冧「未來奶奶」,並獲富貴男友專車管接送。陳庭欣(Toby)的有 ...




【頭條獨家】富貴男友專車管接送 待嫁陳庭欣買花膠冧「未來奶奶」



待嫁陳庭欣日前去上環買花膠冧「未來奶奶」,並獲富貴男友專車管接送。

陳庭欣(Toby)的有米男友楊振源(Benny)近日傳出一腳踏四船,事後男方於元旦晒錫錫Toby片段,力證女友地位不變,事實上,Benny早已揚言兩年後娶Toby,女方亦晨早融入楊家之中!臨近農曆年,這位「未來新抱」都好識做,日前專程到上環海味舖,買定一堆花膠、雪耳送畀「未來老爺奶奶」,雖然男友未有現身陪同,但卻貼心地安排司機接送Toby,正印地位穩如泰山。採訪:李維隆

陳庭欣好快便睇中門口的花膠禮盒,估計是送畀「未來老爺奶奶」。
陳庭欣好快便睇中門口的花膠禮盒,估計是送畀「未來老爺奶奶」。
陳庭欣對「玫瑰瓜子」好感興趣,聞完又試食。

陳庭欣對「玫瑰瓜子」好感興趣,聞完又試食。

陳庭欣(Toby)與彩豐行老闆楊振源拍拖1年多,不時於社交網「放閃」晒合照。上月25日,她貼出跟Benny甜蜜Fine Dine慶生兼度聖誕合照,並公開表白︰「從去年的聖誕節開始,每年的12.25對我來說多了一份意義。」引來不少網民向他們催婚!惜事隔兩日,Benny忽然傳一腳踏四船,與「小三」陳潔玲和「小四」阿Yu關係曖昧,更有指小倆口因此嗌大交,最終Toby仲嬲到「放飛機」,由得另一半同班Friend去日本滑雪!

邊食邊掃年貨

據悉,Toby並非「放飛機」,只是身為《東張西望》主持之一的她既要開廠,又要跟古天樂、張智霖及宣萱等趕拍新片,根本冇時間去旅行,故消息傳出後,她即時否認感情亮紅燈,Benny更趁元旦高調Po錫錫Toby片段,力證女友地位不變;上周電影煞科,Benny已即刻帶女友再去北海道滑雪補數!其實兩人感情相當穩定,Benny早已計劃與Toby兩年後結婚,雙方亦見晒家長!農曆年快到,作為「未來新抱」的Toby都好識做,日前下午趁工作空檔,在助手陪同下到上環辦年貨。甫入到糖果舖,Toby即把各款瓜子拎上手又聞又試食,熱戀中的她揀了粉紅色的「玫瑰瓜子」,接着又夾了些海苔春卷,之後執多兩包山楂餅、零食都唔夠,她仲掃了幾件造型得意又好意頭的金元寶、金鳳梨糖果。

陳庭欣拎住金元寶、金鳳梨造型的糖果不斷讚可愛,一於買晒佢

陳庭欣拎住金元寶、金鳳梨造型的糖果不斷讚可愛,一於買晒佢
畀完錢一出門口,陳庭欣即忍唔住拆開包糖食,好為食!

畀完錢一出門口,陳庭欣即忍唔住拆開包糖食,好為食!

買花膠送伯母

隨後,Toby與助手行到附近的海味舖,見到門口的花膠禮盒及雪耳,她拎上手研究一輪便扑鎚,估計是買畀「未來老爺奶奶」,認真識做!其間,Toby又執了一堆淮山、土伏苓等,記得Benny讚過她廚藝不錯,睇怕都係想煲愛心靚湯箍住男友個胃。最後,雖然工作繁忙的Benny人唔到,但都好體貼地安排7人車接送女友,手挽一大袋戰利品的Toby走到街口便上車離去。問Toby農曆年點過?她稱會跟Benny家人食飯慶團圓。問「未來奶奶」可有暗示恨飲新抱茶?她笑謂:「又冇喎,Benny父母都好隨和,佢哋都由得我哋自由發展,次次見面都係開心食飯。(你父母對Benny印象如何?)正常囉,我諗都好嘅,如果唔好都話咗畀我聽。」對於男友的4角戀傳聞,Toby僅答:「傳嘅嘢都唔想解釋咁多,睇完就算啦。」那麼Benny有否趁機雪地求婚?她打趣道:「求咩婚呀,喺雪地求唔好跌倒就差唔多!」

其間,陳庭欣拎起一包雪耳研究。

其間,陳庭欣拎起一包雪耳研究。
陳庭欣又揀了一堆煲湯料,果然係一名「準賢妻」!

陳庭欣又揀了一堆煲湯料,果然係一名「準賢妻」!
最後,手抽一堆戰利品的陳庭欣乘男友Benny的坐駕離開。

最後,手抽一堆戰利品的陳庭欣乘男友Benny的坐駕離開。
Benny於元旦晒錫錫片。

Benny於元旦晒錫錫片。
上周仲帶陳庭欣去北海道滑雪,女方隨即放上網晒甜蜜,宣示主權!

上周仲帶陳庭欣去北海道滑雪,女方隨即放上網晒甜蜜,宣示主權!
陳庭欣為男友Benny(左)投資開設的健身中心做生招牌,更不時於店內打躉,儼如老闆娘。

陳庭欣為男友Benny(左)投資開設的健身中心做生招牌,更不時於店內打躉,儼如老闆娘。
連月來忙拍電影的陳庭欣上周一宣佈煞科,仲同拍檔宣萱(右)一齊食蛋撻慶祝。

連月來忙拍電影的陳庭欣上周一宣佈煞科,仲同拍檔宣萱(右)一齊食蛋撻慶祝。
身材Fit爆的陳庭欣對於男友傳出四角戀表示睇完就算。

身材Fit爆的陳庭欣對於男友傳出四角戀表示睇完就算。

鍾意就快D Share啦!