掃呢頁CODE去手機

2020年1月20日 星期一

【頭條獨家】拍《黃金有罪》打到周身傷 洪永城同陳瀅有床戲被羨慕 __,洪永城,陳瀅,黃金有罪,

洪永城未試過三套劇同一時間出街咁旺,最難忘接住陳瀅的跳樓戲冇用到替身拍。
【頭條獨家】拍《黃金有罪》打到周身傷洪永城同陳瀅有床戲被羨慕洪永城未試過三套劇同一時間出街咁旺,最難忘接住陳瀅的跳樓戲冇用到替身拍。洪永城(Tony) ...




拍《黃金有罪》打到周身傷洪永城同陳瀅有床戲被羨慕洪永城未試過三套劇同一時間出街咁旺,最難忘接住陳瀅的跳樓戲冇用到替身拍。洪永城(Tony) ...




【頭條獨家】拍《黃金有罪》打到周身傷 洪永城同陳瀅有床戲被羨慕

洪永城未試過三套劇同一時間出街咁旺,最難忘接住陳瀅的跳樓戲冇用到替身拍。

洪永城(Tony)最近人氣好旺,播完《多功能老婆》後,主演的《丫鬟大聯盟》和《黃金有罪》疊住推出成為「劇王」,而跟黃翠如合作主持的《出走澳洲》成為台慶頒獎禮「最佳非戲劇」五大節目之一。Tony在新劇《黃金有罪》中突破咗唔少第一次,包括畀車追、畀人打、碌落山、跳埋樓,仲要除衫做戲,好激。採訪:方騫平 服裝:Tommy Hilfiger

洪永城拍《黃金有罪》要捱拳。
洪永城拍《黃金有罪》要捱拳。
跟陳瀅為了跳懷舊舞練足三星期。

跟陳瀅為了跳懷舊舞練足三星期。

新劇《黃金有罪》中的洪永城係個70年代街頭長大嘅小混混,他就趁經濟起飛,偷呃拐騙賺錢,同陳瀅齊齊夾計搵食,好啱Key:「套劇有好多動作場面,因為我旁門左道,畀人追、畀車追、碌落山、跳落樓,都畀我包辦晒,經此一役功夫好咗,相信將來可以拍吓功夫片。」多動作場面又無用替身,所以Tony經常都有損傷,甚至整親肋骨。「有場戲畀林韋辰手下打,可能位置夾得唔夠準,武指一拳就打中咗我個嘴,搞到「爆缸」流血,好彩冇傷到牙齒,不過嗰個take好ok,因為變咗真打。」

《丫鬟大聯盟》擔正做男一,同黃心穎有唔少對手戲。

《丫鬟大聯盟》擔正做男一,同黃心穎有唔少對手戲。
喺《多功能老婆》中同朱晨麗做夫婦被觀眾受落。

喺《多功能老婆》中同朱晨麗做夫婦被觀眾受落。

拍親熱戲無感覺

講到印象最深劇情, Tony興奮說:「有場戲由三樓跳落二樓,再接住陳瀅碌落地下,由於要保護住佢,驚整親佢唔好意思,所以碌落地時都好埋身。仲有同陳瀅、李璧琦、陳自瑤有咀嘴戲同牀戲,搞到啲男同事都好羨慕咁問我:『係咪畀錢買通咗監製同導演?』不過我又冇乜特別感覺,都係演戲啫。」提到再奪主持獎項,問到下個目標是否向視帝進發?他即說:「距離視帝之路仲有好遠同好遠,眼中視帝除咗識演戲,都要同幕後有溝通,以及可以處理到場面嘢,呢方面仲有好多嘢要學。」

同現實中的索人妻陳自瑤有牀戲兼咀嘴戲。

同現實中的索人妻陳自瑤有牀戲兼咀嘴戲。

鍾意就快D Share啦!