掃呢頁CODE去手機

2020年1月8日 星期三

【頭條獨家】疫症大爆發 囝囝周街跑 蘇永康一家「無罩」出動 __,蘇永康,

內地爆發不明肺炎,蘇永康一家三口卻零口罩出街。
【頭條獨家】疫症大爆發囝囝周街跑 蘇永康一家「無罩」出動內地爆發不明肺炎,蘇永康一家三口卻零口罩出街。蘇永康(蘇康)有仔萬事足!以往在社交平台上,他都 ...




疫症大爆發囝囝周街跑 蘇永康一家「無罩」出動內地爆發不明肺炎,蘇永康一家三口卻零口罩出街。蘇永康(蘇康)有仔萬事足!以往在社交平台上,他都 ...




【頭條獨家】疫症大爆發 囝囝周街跑 蘇永康一家「無罩」出動



內地爆發不明肺炎,蘇永康一家三口卻零口罩出街。

蘇永康(蘇康)有仔萬事足!以往在社交平台上,他都係晒吓潮物、同Friend的合照等,不過,自17年囝囝蘇展弘(Jazz)出世後, Jazz的萌照幾乎攻佔整個Instagram,眨吓眼寶貝仔已經2歲多,蘇康一得閒就會帶住囝囝周圍飛,見慣世面的Jazz都好活潑,完全唔怕生。日前,兩父子就陪媽咪馮翠珊(Anita)返公司做嘢,惟近日內地爆發不明肺炎,一家三口卻零口罩出動,其間見大人們各有各忙,忽然無王管的Jazz同朋友仔玩到衝出門口,最終被「捕」的他梗係畀媽咪鬧啦,蘇康咪抆一抆囝囝衫袖安撫吓囉,點知Jazz一手揈開,真係愈「抆」愈傷心!採訪:李維隆

蘇永康(左)早前做「湊仔公」帶埋囝囝Jazz(左二)同老友個仔,陪太太 Anita(右)落舖處理公事。
蘇永康(左)早前做「湊仔公」帶埋囝囝Jazz(左二)同老友個仔,陪太太 Anita(右)落舖處理公事。
其間蘇永康趁機在店內逛吓,點知兩個B仔開始玩到失控!

其間蘇永康趁機在店內逛吓,點知兩個B仔開始玩到失控!

現年52歲的蘇永康與任職Alexander McQueen亞太區總經理的馮翠珊結婚5年,兩年多前終於迎來人生第一胎,蘇康升呢人父後都變得好黐家,一放假仲會一家三口周圍飛,好似上月就先後帶囝囝蘇展弘去泰國、日本玩,不過近期武漢爆發不明肺炎,蘇氏夫婦則選擇留喺香港,日前兩父子仲陪媽咪去做正經嘢,惜本地亦陸續發現懷疑個案,搞到全城瘋搶口罩和消毒產品,他們仍未有做任何安全措施,照一家大細「冇罩」去鬧市。

囝囝大暴走

當日戴上黑超、Gel晒頭的蘇康,陪太太 Anita落中環置地廣場的分店處理事務,同行除帶埋囝囝Jazz和工人姐姐外,兩公婆仲做埋「托兒服務」幫老友湊細路。甫進時裝店,Anita便搵女職員坐低密密斟,蘇康則自己一個行開睇吓衫及鞋,而兩個「小豆丁」就當正舖頭是「遊樂場」,在裏面瘋狂追逐亂跑自娛一番,豈料玩到High過龍,笑到見牙唔見眼的Jazz竟然一支箭標咗出門口,嚇到工人姐姐即刻衝出去捉住「小主子」,蘇康見狀都急步上前抱番囝囝,不過錫到個仔燶的他又怎捨得鬧對方呢?於是「被捕」的Jazz遭「押」返媽咪身邊,做阿媽嘅點都要「哦」番兩句嘅。見心肝命椗唔開心,蘇康都好肉痛,出手拉住掙扎逃脫緊的囝囝,安撫一下對方小心靈,殊不知阿仔唔多領情,一手揈開爸爸隻手,蘇康變So hurt!

囝囝Jazz仲「密室逃脫」成功,好在工人姐姐眼明手快捉得住!

囝囝Jazz仲「密室逃脫」成功,好在工人姐姐眼明手快捉得住!
蘇永康都即刻出去攬實Jazz,見到記者仲教囝囝禮貌Say Hi。

蘇永康都即刻出去攬實Jazz,見到記者仲教囝囝禮貌Say Hi。

冧仔有妙法

之後,Anita就使出一招「iPad專注法」,果然萬試萬靈,Jazz隨即揸住部iPad坐定定在沙發上,靜心欣賞至愛的卡通片。為了令囝囝加倍開心,「廿四孝爸爸」蘇康更一度走到附近的Coffee Shop買Puff和牛角包○氹Jazz;折返時裝店時,沿途仲見到一個同囝囝差不多大的可愛妹豬,蘇康都忍唔住邊行邊笑住回頭望,唔知係咪都想追個囡囡呢?其後,蘇康和Anita忽然賴低Jazz,抱住老友個仔離開!原來他們只是行去育嬰室啫,估計小朋友整濕咗片片嘞,蘇康家下連尿片都識換,真係要畀個Like你呀!

被迫坐定定的Jazz不斷掙扎,蘇永康即拉一拉囝囝手袖,結果遭對方揈開。

被迫坐定定的Jazz不斷掙扎,蘇永康即拉一拉囝囝手袖,結果遭對方揈開。
最後 Anita用iPad利誘囝囝乖乖坐低睇卡通。

最後 Anita用iPad利誘囝囝乖乖坐低睇卡通。
勁鍾意細路的蘇永康望住人哋個仔都好開心。

勁鍾意細路的蘇永康望住人哋個仔都好開心。
蘇永康幫手抱人哋個仔去換尿片,果然係「多功能爸爸」。

蘇永康幫手抱人哋個仔去換尿片,果然係「多功能爸爸」。
趁聖誕長假期,蘇永康夫婦帶了囝囝去泰國玩,Jazz仲好勇敢同長頸鹿零距離接觸!

趁聖誕長假期,蘇永康夫婦帶了囝囝去泰國玩,Jazz仲好勇敢同長頸鹿零距離接觸!
之後一家三口又去了日本旅行。

之後一家三口又去了日本旅行。

鍾意就快D Share啦!