掃呢頁CODE去手機

2020年1月12日 星期日

林子善:老婆喊晒 林子善囡囡黃疸指數飆高再入院 __,林子善,

唔使喊,冇事嘅!好快出院!藝人林子善太太董佩欣(Kary)上月尾為佢誕下小公主林以晴,早兩日先對外表示阿女已經退黃出院,不過一出院就考起爸爸媽媽,尋日 ...




唔使喊,冇事嘅!好快出院!


藝人林子善太太董佩欣(Kary)上月尾為佢誕下小公主林以晴,早兩日先對外表示阿女已經退黃出院,不過一出院就考起爸爸媽媽,尋日就「嘔血」搞到血染床單,原來係以晴BB唔小心咬損太太乳頭,飲咗少少血奶,虛驚一場。今日林子善同老婆又帶BB去醫院覆診,可惜BB黃疸指數再次升高,又要再入院照燈,Kary仲喺社交網自爆兩公婆都喊晒好掛住個女,今晚二人亦會再去醫院探囡囡:「今日早上要返醫院🏥覆診✴️黃疸指數好高醫生👨🏻‍⚕️話要入院照燈❗️dad & mami 夜晚再黎探我.兩條友喊晒好掛住我👶🏻放心啦我進度好好💪🏾你睇吓我眼仔同埋面仔皮膚顏色爭幾遠💪🏾我會加油快D退黃✴️快D出🏥」


雖然Kary都話照登好普遍唔使擔心,不過始終係自己個B,佢都嗌晒心痛,放心啦媽媽,你同BB都要一齊加油呀!

來源 source: http://hk.on.cc
鍾意就快D Share啦!