跟中樂團合作做音樂會 王梓軒繼續宣揚利瑪竇精神
由王梓軒及陳潔儀主演的音樂舞台劇《利瑪竇》叫好叫座，part 2重演8場剛於上周日(12日)圓滿結束，王梓軒表示依依不捨，尤其有好幾場序幕時，全場觀眾起身拍手，好感動。不過，王梓軒會將再下一城，7月演出由《利瑪竇》變身的中樂團音樂會，繼續宣揚利瑪竇精神！
對於換個方式跟觀眾見面，王梓軒當然好開心，仲決定獎勵自己，即將放大假十日去日本鬆一鬆，兼且自掏腰包豪氣地請埋公司同事，開出一個無上限任plan trip，豈料畀經理人珊珊發訊息「兇」他說：「你咁嘅budget，我哋點玩得盡興呀？」對此，王梓軒自言好冤枉：「珊珊幫我慳錢係好，但如果唔夠budget咪加碼囉！我希望大家玩得好開心啲，因為呢幾個月，每一個同事都係出心出力，甚至有一個同事成個禮拜冇沖涼，另一個攞咗演唱會道具當床褥瞓喺公司，出多小小我覺得係值得。」
來源 source: http://hd.stheadline.com
|
鍾意就快D Share啦！
|
|
|