掃呢頁CODE去手機

2020年1月3日 星期五

【跪求警察後威返一次】周永恒銅鑼灣busking同警對峙: 「邊條法律唔俾」 群眾起哄拍掌 __,周永恒,

上月中在尖沙咀涉嫌打架,又向警員「下跪」但自稱只是向警員做瑜珈的藝人周永恒,似乎「未有一刻停下來」,今日又再有新搞作,他於下午時段走到銅鑼灣街頭bus ...






上月中在尖沙咀涉嫌打架,又向警員「下跪」但自稱只是向警員做瑜珈的藝人周永恒,似乎「未有一刻停下來」,今日又再有新搞作,他於下午時段走到銅鑼灣街頭busking,見到手執結他的周永恒頭戴冷帽,身穿運動服裝,手拿結他自彈自唱,而且帶有擴音器,架生算相當齊全。

雖然有藝人街頭busking,周永恒唱出《囍帖街》、《高山低谷》及《發現號》,原本最初被觀眾圍觀,之後因惹來警員截查,並要求周永恒離開,更指他「犯法」,此時周永恒勇武上身,質問警員:「邊條法律唔俾busking」,並指:「唔鍾意同警方傾偈」,更將咪高峰遞向警方,雙方一度爭吵,周永恒更問在場人士,「大家覺得佢(警員)講嘢嘈音,定我講嘢嘈音」,面對警察濫捕濫暴,周永恒呢一問,現場市民梗係起哄,企周永恒一方,叫警員離開。

最終警員「敗走」,周永恒呢舖由「渣男」翻身變「英雄」,數年來首度(相信係)獲現場人士拍掌歡呼,見難得由被罵變被讚,有「粉絲」撐的周永恆被截查後意猶未盡:「唱多首先走」,最後他唱出反送中歌曲《虛作無聲》,並獲得現場人士掌聲,呢舖攞晒彩,周永恒真係多得香港警察。

-----------------------------

【壹週刊直播平台 ChannelNEXT】

全城抗暴 區區論壇同你深度剖析

立即睇

-----------------------------

【升級壹會員登記站 為你解疑難!】

親臨旺角做升級壹會員,即送「香港人:抗爭之夏」限量明信片

詳情地址


鍾意就快D Share啦!