去年12月，在尖沙嘴涉打架，被捕期間跪拜警察的周永恒（Roy），保釋後忽然愛上busking，繼上周四到銅鑼灣賣唱後，今晚就現身旺角街頭自彈自唱自high，有女途人更打賞了100元，又跟他自拍合照，周永恒表現一面含春樣。
今晚約8時許，《蘋果》記者發現周永恒在旺角街頭busking，彈奏結他唱了《不許你註定一人》、《海闊天空》等歌曲，記者等候了約1小時，高峯期約有40多人圍觀，但只有5、6個人打賞，周永恒用結他盒裝錢，裏面多是10元和20元紙幣，50元和100元紙幣不多，記者觀察了1小時，周永恒的進賑不足500元。
其間有位叫晴晴的女途人點唱《分分鐘需要你》，打賞了100元給他，晴晴接受訪問說：「唔好意思，一開始唔知佢係明星，只係覺得好聽，畀佢聲音吸引，覺得佢唱得非常之好，幾靚仔，跟住有個路人話我聽，呢個Roy。」
而周永恒亦樂意接受訪問，問到現肺炎肆虐，街上好多人都戴口罩，他要唱歌冇戴口罩會否擔心？周永恒說：「有㗎，其實我有戴，但戴住唱我會暈，一係唔好出嚟，出嚟就唔好驚。」問是否想復出？他說：「冇呀，其實我冇諗咁複雜，因為我本身有信仰，主要想喺條街敬拜，你知香港地，而家條街幾恐怖，好多邪靈，希望可以祝福吓人。」
問到如果再有警察截查，會否又做瑜伽緩和氣氛？曾在訪問中聲稱跪拜是做瑜伽的他，現卻反口：「我嗰日都唔係做瑜伽，我嗰日驚，坐咗喺地下。」記者更正他是跪在地上，周永恒自圓其說：「我擺咗部cam喺地下，前置鏡頭，咁我諗住入鏡，做乜鬼瑜伽，個記者搞笑啫，我諗住帶過就算，始終麻煩嘢，我唔識講呀．．．」下刪一百字。
採訪、攝影：徐錦池、黃曉程
| 攝影：徐錦池、黃曉程 | | |
| | | |
|
鍾意就快D Share啦！
|
|
|
