掃呢頁CODE去手機

2020年1月10日 星期五

【李克勤爭住唱】陳偉霆《野狼Disco》造型參考一隻豬?網民:隻豬都型過佢 __,李克勤,陳偉霆,

「新鋁滴化,鵝賞邀大你燴架。災拿滲野就爸,拿灌牠屎真屎架。秤利樽程耀拜,望機盅二滴牠。離系醉米淫架,尼支倒馬?」──《野狼Disco》陳偉霆早前現身《 ...






「新鋁滴化,鵝賞邀大你燴架。災拿滲野就爸,拿灌牠屎真屎架。秤利樽程耀拜,望機盅二滴牠。離系醉米淫架,尼支倒馬?」──《野狼Disco》

陳偉霆早前現身《江蘇衛視跨年演唱會》,紮個弓箭步、用半咸淡廣東話唱《野狼Disco》都未算奇葩,最令人O嘴嘅係佢個身金黃色打扮,不禁令人好奇:「究竟邊個教佢咁樣著㗎?」

近日終於有啲眉目,指陳偉霆嘅打扮極有可能係參考自一隻豬,即美國動畫喜劇電影《星夢動物園》入面嘅威猛先生,唔少網民都話:「唔怪之得咁熟口面,原來套衫係抄隻豬。」甚至有有心人,將威猛先生嘅熱舞片段配上陳偉霆版本嘅《野狼Disco》作背景音樂,兩者異常地match無乜違和感。

不過,威猛先生雖然頂住個大肚腩,但係能唱能跳,加上充滿自信嘅表情,喺舞台上極具魅力,學網民話齋:「隻豬都有型過的士陳!」的確,陳偉霆硬係有種騎呢當新潮嘅感覺,相信只有大陸人觀眾先識欣賞,香港觀眾只會睇到一額汗,替佢尷尬。

話時話,其實個造型都有少少似《PPAP》個PIKO太郎。

Anyway,香港觀眾唔識欣賞陳偉霆,更加唔識欣賞《野狼Disco》,但係咁又點呢?只要大陸人鍾意咪得囉,所以連李克勤上到大陸搵食都要爭住唱,仲crossover埋《紅日》添。唯一無變,就係依然令人睇到起雞皮。

-----------------------------

【壹週刊直播平台 ChannelNEXT】

全城抗暴 區區論壇同你深度剖析

立即睇

-----------------------------

【升級壹會員登記站 為你解疑難!】

親臨旺角做升級壹會員,即送「香港人:抗爭之夏」限量明信片

詳情地址


鍾意就快D Share啦!