呢位員工都幫到手！
有番咁上下知名度嘅藝人都會成立工作室，擺靚相上網同大家分享就係工作室嘅任務之一，每張相都係精心挑選，仲會低調出修圖絕技將唔完美地方執走，將藝人最靚一面呈現大家眼前。不過唔係位位工作人員P圖能力都咁好，好似范冰冰咁就出晒事，畀網民話佢對腳變咗「義肢」！
事緣佢出完活動，隔咗一日工作室就上載靚相上社交網畀大家睇，坐喺梳化嘅相係好靚，范冰冰紮起頭髮，精緻妝容襯托出雪白鵝蛋面，內襯紫色高領上衣，外加綠色大衣，黑色衣領、粉色羽毛披風格外凸顯霸氣。但一張企喺台上嘅相就勁古怪，冰冰對腳好蒼白完全冇曲線，好似對鞋套咗喺兩舊塑膠咁，有民留言：「那個腿修得也太假了吧？能不能適度？」、「腳不要P得像義肢好嗎？」亦有網民好奇問工作室人員，指冰冰本身都係美女一名，全身相點解唔可以原圖出街係要執過呢？質素咁差嘅相都放上網，唔通係全心靠害？
來源 source: http://hk.on.cc
|
鍾意就快D Share啦！
|
|
|