網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2020年2月13日 星期四

金像獎2020:C1:城城古仔爭影帝金像獎避炎冇直播 #古仔 #古天樂 #城城 #郭富城 #金像獎

金像獎競爭激烈,但主席爾冬陞表示,為「避炎」,頒獎禮將取消直播。香港電影金像獎昨日公布入圍名單,同樣曾奪金像影帝的郭富城與古天樂力爭「最佳男主角」,至 ...




金像獎競爭激烈,但主席爾冬陞表示,為「避炎」,頒獎禮將取消直播。


香港電影金像獎昨日公布入圍名單,同樣曾奪金像影帝的郭富城與古天樂力爭「最佳男主角」,至於公認好戲的內地女星周冬雨,憑大熱電影《少年的你》角逐影后!由於新冠肺炎疫情嚴峻,主席爾冬陞宣布今年金像獎將取消現場頒獎,正考慮改以錄播形式進行,成為39年來首次取消實體頒獎禮!


因新冠肺炎疫情關係,《第39屆香港電影金像獎》今年取消記者會,改以電郵形式公布入圍名單,主席爾冬陞(小寶)透過「電話會議」形式接受香港傳媒訪問,他指受疫情影響,今年金像獎將取消現場頒獎,考慮改由錄播形式進行,頒獎日期則由4月19日改為5月上旬:「因為疫情問題,唔會有一個實體嘅頒獎禮,呢個係上星期董事局方面嘅決定,尖沙咀文化中心或者九龍灣展貿都唔會有。當年沙士都未試過,今次係第一次。至於公布日期亦唔會係4月19日,實際日子未定,因為仲有好多嘢要傾,但我估計應該係5月上旬左右做,最遲5月中之前,唔想拖太耐,因為明年係金像獎40周年,唔想延期到9、10 月,影響明年頒獎禮籌組。」


開會唔夠口罩


小寶指今次是一個艱難的決定,但因籌備頒獎禮牽涉400名工作人員,單是開會已有一定風險:「唔希望大家因為呢件事染到呢個病。(會唔會為疫情做啲嘢?)大家要理解金像獎唔係一個好有錢嘅會,老實講開會嘅口罩都唔夠、買唔到,一切只能盡能力範圍內考慮做唔做到。」講到播映形式,他指要先跟贊助商及播映頒獎禮的ViuTV商量,正考慮是否錄播,但因入圍名單有海外演員,仍有很多事情要磋商,並指若事前錄影,要做好保密工作。問到會否效法電影評論學會,先公布得獎名單再頒獎?他說:「要開會再傾,好多嘢都需要時間去搞,希望10日後有決定。(取消影場刊?)呢個應該唔會中斷,但用乜嘢形式仲要傾,當中 『專業精神獎』、『終身成 就獎』牽涉人數唔多,會喺安全情況下拍攝。」


至於公布的名單中,「最佳男主角」及「最佳女 主角」競爭均相當激烈!郭富城憑《麥路人》大戰《犯罪現場》的古天樂,二人曾奪金像獎影帝,均屬大熱之選,而年僅19歲的內地藝人易烊千璽,憑坐擁15億人民幣票房《少年的你》越級挑戰,有一定睇頭! 古天樂對入圍表示:「平常心,入圍已經好開心,最希望大家身體健康。」郭富城亦開心表示:「知道《麥》 片有10項提名,對劇組係好大鼓舞。大家用心拍一部關心社會議題嘅電影,好唔容易,證明大家付出嘅努力係值得。不過我同劇組以平常心面對,當下最希望世界早日平安。」


周冬雨影后呼聲高


影后方面,《少年的你》周冬雨大鬥《金都》鄧麗欣和《幻愛》蔡思韵等, 周冬雨曾憑曾國祥執導電影《七月與安 生》奪金馬影后,今次同樣憑對方執導的《少年的你》入圍,加上剃頭破格演出,呼聲甚高。而 鄧麗欣表示入圍已很開心: 「最近社會氣氛同睇到好多負面報道,所以喺呢個局勢同環境下收 到咁好嘅消息,心情有啲複雜。好開 心,今次第二次提名 『最佳女主角』,好多謝大家 對我嘅肯定。」


而曾國祥憑《少》片入圍「最佳導演」,其太太王敏奕在社交網拍片,眼濕濕表示好開心,為老公感到驕傲。《少》片成為獲最多提名的電影,共12項,《花椒之味》緊隨其後11項,《麥》片則有10項。


阿Sa角逐「女配」嗌感恩


金像獎「最佳女配角」入圍名單 中,最亮眼是去年憑電影《非分熟女》角逐影后的蔡卓妍(阿Sa),今年憑英皇電影《聖荷西謀殺案》角逐「最佳女配 角」,力敵老戲骨《金都》的鮑起靜、《花椒之味》的賴雅妍等。早前《聖》片舉行優先場,阿Sa的演技已獲不少讚賞。身在外地工作的她表示:「感恩!好開心能夠遇到一個好好嘅導演、兩個好好嘅對手同一個好好嘅團隊,希望大家身體健康!」


至於去年憑《翠絲》入圍「最佳男主角」的姜皓文,今年憑電影《犯罪現場》入圍「最佳男配角」,大戰《麥路人》的張達明及萬梓良等,姜皓文表示:「我喺檳城嘅醫院做緊例行Body Check時收到呢個驚喜,真係相當驚!冇諗過被提名,因為今年嘅電影作品唔多,好多謝鍾意呢套戲嘅所有朋友。(點睇取消實體頒獎禮?)雖然有啲可惜,但我覺得需要,要以健康為先,相信大家會明白同體諒,到時大家一齊喺屋企Enjoy !」


另外,李宛妲憑電影《葉問4完結篇》入圍 「最佳新演員」,將與《少年的你》易烊千璽、 《新喜劇之王》鄂靖文、《幻愛》劉俊謙及《叔‧ 叔》區嘉雯對撼。


更多新聞,請瀏覽東方日報網頁:

來源 source: http://hk.on.cc
鍾意就快D Share啦!