掃呢頁CODE去手機

2020年2月4日 星期二

武漢肺炎:香港嗌救命!傅嘉莉飛日本捱通宵掃2千口罩 __,傅嘉莉,新型肺炎,武漢肺炎,

今次買罩買到去日本,得來不易呀!疫情告急,香港一罩難求!想輪籌買口罩自保除了夠體力外,還要講運氣。無綫藝人傅嘉莉(Kelly)新年期間一行七人到日本旅 ...




今次買罩買到去日本,得來不易呀!


疫情告急,香港一罩難求!想輪籌買口罩自保除了夠體力外,還要講運氣。無綫藝人傅嘉莉(Kelly)新年期間一行七人到日本旅行,原本諗住食玩瞓,誰不知變成搜購口罩大行動,認真唔講得笑。


Kelly也沒想到難得的家族旅行,但因旅行期間武漢肺炎疫情轉趨嚴峻,見香港一罩難求,人在外地也得通宵買口罩﹕「我哋先去京都同奈良,一直有留意住香港新聞,當時香港都未咁缺貨,所以去到當地只係買咗一、兩盒口罩,後來去到大阪,見到新聞話一罩難求,好多親友都嗌晒救命話冇口罩,我哋就邊行邊買,但發現大阪所有藥房都冇口罩同消毒用品。我哋有兩晚通宵冇瞓,去24小時商店買口罩,我哋好好彩,有一晚凌晨點幾見到有人推貨,店員話當晚會入貨,我哋就喺門口一直等,等到凌晨三、四點等藥房上完貨,終於買到口罩同少量消毒用品。」


行得最多係藥房


問買了多少盒?她說:「大家夾埋買咗好多盒,返到香港都分晒畀親戚同朋友。」據知,她今次掃了近2千口罩。Kelly坦言全個行程都沒有心機購物,一心只想買口罩,行得最多是藥房,她稱一家人到了神社許願,祈求大家身體健康、世界和平及疫症早日過去。


行程大亂冇晒Plan


講到今次旅行,原來已一早計劃好:「一家人旅行係全家多年嘅願望,今次除咗父母同大哥、細佬之外,仲有佢哋嘅女朋友,行程計劃咗三個月,開咗幾次家庭會議,安排晒景點同餐廳,務求令爸爸媽媽玩得舒服。」可是因為一個口罩,令傅家行程大亂,實是令Kelly始料不及。

來源 source: http://hk.on.cc
鍾意就快D Share啦!