掃呢頁CODE去手機

2020年2月21日 星期五

莊思敏:拍拖3個月男友即求婚!莊思敏唔大搞婚禮 #莊思敏

恭喜晒!和台灣珍珠奶茶老闆男友張秉逸(Brian)在香港申請入紙結婚的莊思敏,接受東網訪問時,被問到擬結婚通知書曝光一事,即大方承認婚訊,更自爆拍拖不 ...




恭喜晒!


和台灣珍珠奶茶老闆男友張秉逸(Brian)在香港申請入紙結婚的莊思敏,接受東網訪問時,被問到擬結婚通知書曝光一事,即大方承認婚訊,更自爆拍拖不到3個月Brian即向她求婚!去年九月公開戀情的莊思敏,笑言已不太記得求婚月份:「好似係十月,我都唔係好記得。當時我哋去布吉旅行,原來男友一早搵咗啲朋友嚟搞布置,期間佢突然叫我去做spa,趁我做spa時佢同朋友去佈置,做完spa,佢就拎住紮花同戒指跪地求婚,我係好surprised,突然見到佢啲朋友喺到,但我得兩個朋友在場,阿妹都唔知。」


拍拖不足三個月即被求婚,問到莊思敏為何答應閃婚,她說:「差唔多佢真係對我好好,好細心,坦承、孝順,相處舒服最緊要。(父母點睇?)最開心當然係爸爸媽媽,佢哋知道求婚後,都好愕然,但係佢哋見過男友後都好滿意。」問到婚期,她則說要保持神秘感,但揚言不會在香港、馬來西亞及台灣分三地大搞:「我唔想大搞,我怕煩,唔想花好多心力去搞party,唔想搞嘅過程有拗撬,又怕請漏親朋。」她續說本來男友想大搞,但也順應其意思。


由於疫情關係,台灣為加強防疫管制,由本月七日起港澳人士入境台灣後,需要接受居家檢疫十四天。本月六日已到台灣會男友的莊思敏,十二號返港後,獨自委託律師搞申請註冊,男友未有在場。問到為何選擇情人節申請入紙,她笑說:「冇特別意思,純粹係當日我同律師得閒。」而婚後造人計劃則隨緣。

來源 source: http://hk.on.cc
鍾意就快D Share啦!