掃呢頁CODE去手機

2020年2月16日 星期日

【頭條獨家】同余安安拍《Baby》勾起生B事 張繼聰險為謝安琪撞開全村車 #Angelababy #Baby #余安安 #張繼聰 #謝安琪

安安姐和阿聰大讚《Baby復仇記》劇本夠貼地,講出不少準父母的心聲。
【頭條獨家】同余安安拍《Baby》勾起生B事張繼聰險為謝安琪撞開全村車安安姐和阿聰大讚《Baby復仇記》劇本夠貼地,講出不少準父母的心聲。余安安和張繼 ...




同余安安拍《Baby》勾起生B事張繼聰險為謝安琪撞開全村車安安姐和阿聰大讚《Baby復仇記》劇本夠貼地,講出不少準父母的心聲。余安安和張繼 ...




【頭條獨家】同余安安拍《Baby》勾起生B事 張繼聰險為謝安琪撞開全村車



安安姐和阿聰大讚《Baby復仇記》劇本夠貼地,講出不少準父母的心聲。

余安安和張繼聰在剛上映的新戲《Baby復仇記》分別演準嫲嫲和星級男陪月,早已為人父母的他們,在拍攝過程勾起不少生B難忘事,好似安安姐就想起當年初三赤口誕第二胎既搞笑又緊張的情況;而阿聰就大爆當年太太謝安琪(Kay)生囝囝張瞻時穿羊水,住村屋的他緊張到想將全村車撞開搵出路送太太入院,似十足拍動作片勁誇張。撰文:杜淑霞 攝影:李權威 髮型:Kelvin Koo hair_salon_hk(余安安)、Jobbylee@Leighton Aveda(張繼聰) 化妝:littlewhite_makeup(余安安)、PinkyKu(張繼聰) 服裝:#marinarinaldi#prnetworkhk@marinarinaldiofficial(余安安)、Issey Miyaki(張繼聰) 場地:九龍貝爾特酒店

阿聰講起當日緊張到想撞開全村車,安安姐都笑話拍成電影應該好有喜劇效果。
阿聰講起當日緊張到想撞開全村車,安安姐都笑話拍成電影應該好有喜劇效果。
戲中安安姐演朱鑑然媽咪及陳靜奶奶,而阿聰則是星級男陪月。

戲中安安姐演朱鑑然媽咪及陳靜奶奶,而阿聰則是星級男陪月。



現實中,安安姐和阿聰雖然冇做嫲嫲和男陪月經驗,但兩人自身經驗對演繹角色都幫到手。安安說:「我做咗外母,其實對新抱同對女婿都一樣,會錫仔女嘅另一半,所以我代入會容易啲。」由於現實中沒男陪月,阿聰反而覺得更有趣,「我太太第一胎係冇陪月,但真係差好遠,特別係太太身體調理方面,我好記得我Book嘅時候佢話3日後先覆,因為開工唔會開電話,好似特工咁好專業,我將佢哋份精神放咗入角色度。」

安安姐諗起當年生長女李文琪(中)和次女李文騫時,都有不少驚險事。

安安姐諗起當年生長女李文琪(中)和次女李文騫時,都有不少驚險事。
長女李文琪(右二)16年已結婚,早已榮升外母的安安姐對女婿Jeremy一樣愛錫。

長女李文琪(右二)16年已結婚,早已榮升外母的安安姐對女婿Jeremy一樣愛錫。



兩人都話拍攝最難忘是勾起不少當日生B的經歷,當年首次做爸爸的阿聰,更自爆由於太緊張,差啲出大事,「當年我哋住村屋,夜晚啲車泊好晒,要出車係好困難,太太話穿羊水,我抱去落車,但係揸出嚟好難,我好緊張,諗過將成條村啲車撞開晒佢,返嚟先搞,太太反而叫我慢慢嚟。(阿Kay冷靜過你?)係呀,可能自己身體自己知,我係急到咁。」安安姐原來生兩胎都一樣驚險,「第一胎唔係好穩,要喺床瞓咗3個月,真係好擔憂,去洗水間大力啲都驚走咗出嚟冇咗,而第二個就早產,細女初二出世,我初二傳統返阿媽度食飯,我食咗3碗飯,半個鐘後仲叫阿媽煎糕,阿媽仲話又食?食到塞咗個BB出嚟!點知真係食完半夜作動喎!我兩胎個頭都係唔調轉,都係要開刀生。」

阿聰講明兩個夠晒數,怕太太再生辛苦外,亦怕至錫囡囡張靖被忽略。

阿聰講明兩個夠晒數,怕太太再生辛苦外,亦怕至錫囡囡張靖被忽略。

鍾意就快D Share啦!