- 【口罩戴咗要除返】田蕊妮諷有病睇醫生 BenSir分析林鄭措施獨沽一味
- 20分鐘前
林鄭話唔符合使用要求嘅話，官員唔准戴田罩，戴咗都要除返落嚟，真係好有官威好霸氣呀！不過一如以往，佢嘅言行喺正常人眼中係相當唔正常，田蕊妮都忍唔住喺Facebook開post話：「有冇人帶佢去睇醫生呀？」
我哋嘅香港特首林鄭病入膏肓、意氣用事、為所欲為，令港人憤怒、無言、麻木。另一邊廂，澳門特首賀一誠喺武漢肺炎肆虐期間嘅每一項措施，都將港府比下去，今日甚至宣布暫停賭業防止疫情再擴散。連關口都未封晒嘅林鄭，真係拍馬都追唔上。
同樣係中國嘅特區特首，能力竟然相差甚遠，深諳粵語嘅Ben Sir歐陽偉豪，就用賀一誠和林鄭月娥嘅粵語聲調去睇港澳肺炎措施。佢喺個人社交網站話：
「從聲調看“一誠”二字，包含最高音及最低音，即一（55）、誠（11），反映其措施包羅萬有，廣納良言。重看“林(11)鄭(22)月(22)娥(11)”，全部低調、低沉，反映其措施獨沽一味。」
Ben Sir如此別出心裁嘅分析，令網民大開眼界，甚至有人分析返Ben Sir嘅用詞，話佢形容「林鄭月娥」聲調「低調」，其實係語帶相關，較為隱晦地鬧林鄭「抵X」。又有人學Ben Sir用人名分析，話賀一誠「出一成就贏你」。
-----------------------------
【壹週刊直播平台 ChannelNEXT】
專家教你自保攻略｜口罩點揀｜防疫點做
立即睇
-----------------------------
疫情追蹤，最新消息，Follow 壹週刊Telegram：
點擊追蹤
----------------------------
【升級壹會員登記站 為你解疑難！】
親臨旺角做升級壹會員，即送「香港人：抗爭之夏」限量明信片
詳情地址
來源 source: http://nextplus.nextmedia.com
|
鍾意就快D Share啦！
|
|
|
