掃呢頁CODE去手機

2020年2月21日 星期五

父母檢疫呈陰性 森美教絕招機上自保 #森美

森美
父母檢疫呈陰性森美教絕招機上自保藝人森美的父母被困爆發新冠肺炎的「鑽石公主號」郵輪,昨日他透露父母的最新情況,指昨日凌晨收到訊息知道父母檢疫結果呈陰性 ...




父母檢疫呈陰性 森美教絕招機上自保

藝人森美的父母被困爆發新冠肺炎的「鑽石公主號」郵輪,昨日他透露父母的最新情況,指昨日凌晨收到訊息知道父母檢疫結果呈陰性,大感開心,他們將乘搭包機回港:「叫佢哋喺飛機全程做好防禦同安全措施,戴手套、襪、鞋套等,喺飛機度都唔好捽眼耳口鼻。」又指父母知道自己冇事亦很開心:「返嚟香港先,可以遠離病源。(你放下心頭大石?)係呀,之前都好驚,以為冇病徵就冇事,但呢幾日好多確診個案,尋晚等佢哋結果時好擔心,一知道佢哋冇事心就安!」

他會張羅父母在港隔離需要的用品:「會幫佢哋Upgrade電話Plan,因為佢哋喺日本Wifi唔好,睇唔到戲同打機。最緊要大家保持聯絡,相信香港隔離營環境唔會太差,會有其他物資。」森美直言父母在船上時,最擔心他們會感染:「不過,佢哋好乖,船上10幾日淨係放過一次風15分鐘,出過房一次,相信佢哋喺香港都會好乖。(父母抵港,會唔會隔空見一面?)又唔會緊張到咁,返到香港視像都見到,OK嘅。」此外,他甚為擔心在日本確診的香港人,因當地醫療情況不大好,希望香港人早日回港接受治療。

森美父母滯留郵輪,昨日終坐包機返港,令森美大為心安。
  • 森美父母滯留郵輪,昨日終坐包機返港,令森美大為心安。





鍾意就快D Share啦!