掃呢頁CODE去手機

2020年2月12日 星期三

鄺潔楹:阮政峰化身暖男探班 為鄺潔楹披衣防着涼 #鄺潔楹 #阮政峰

真係睇到都覺得暖!藝人鄺潔楹、阮政峰及張明偉等日前為無綫處境劇《愛·回家之開心速遞》開工,沒有該場戲份的阮政峰,透露剛完成廠景,故專程到來探班「呃水吹 ...




真係睇到都覺得暖!


藝人鄺潔楹、阮政峰及張明偉等日前為無綫處境劇《愛·回家之開心速遞》開工,沒有該場戲份的阮政峰,透露剛完成廠景,故專程到來探班「呃水吹」。


演情侶的鄺潔楹與阮政峰,戲裏外都非常融洽,眼見女方外衣唔夠暖,即除下外套為伊人披上,又主動為她雙手噴消毒噴霧,顯盡細心,阮政峰說:「非常時期,大家做好本分,唔使埋位戴口罩,飲多啲水,勤洗手。」


唔擔心公司衞生


談到電視城日前有臨時演員於錄影廠外嘔吐,公司隨即進行大消毒,問到鄺潔楹可有擔心公司衞生情況?她說:「其實個廠一直都ok,尋日返去見到煙霧瀰漫,後來知道消毒緊,所以都唔擔心。(近日市民開始搶購廁紙!)唔只廁紙,尋日落街買菜同公仔麵都冇,最後食咗屋企剩番嘅烏冬咋,屋企人喺美國,都叫佢哋唔好返嚟住。」


鄺潔楹更預告角色將交代她幻想懷孕,屆時亦會以孕婦Look示人,她笑指也趁拍攝時效法孕婦影大肚相:「見人哋啲大肚相好唯美,所以揀咗香香(岑麗香)大肚時嘅相做Reference,點知影到出嚟好騎呢!另一場就講我好瘋癲,將阮政峰個頭撼落張枱度,未演過呢啲戲份,所以好興奮,最後NG咗兩、三次啫,佢個頭都冇事。」

來源 source: http://hk.on.cc
鍾意就快D Share啦!