網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2020年2月8日 星期六

韓馬利:共度患難 杜燕歌甘為韓馬利被嗌「韓先生」 #韓馬利

杜燕歌同韓馬利簡直係夫妻典範!經歷過大病的藝人韓馬利(Mary姐)與夫婿杜燕歌結婚30周年,早前她們接受車淑梅訪問,她在節目中大讚丈夫在她病榻中給予無 ...




杜燕歌同韓馬利簡直係夫妻典範!


經歷過大病的藝人韓馬利(Mary姐)與夫婿杜燕歌結婚30周年,早前她們接受車淑梅訪問,她在節目中大讚丈夫在她病榻中給予無微不至的照料和安全感,當時住院三星期、昏迷一星期,足足輕了七公斤,杜燕歌每天烹調不同的食物餵食,他曾說太太不懂照顧自己,希望病的是他,令Mary姐十分感動。她說大病初愈時接到很多商演邀請,才深明健康才會擁有一切,學懂珍惜:「今次病好辛苦,但變成一個祝福,我明白一定有明天,但係明天不一定有我!我以前好驕傲、係工作狂,要別人認同先感滿足,因而冷落咗丈夫,忽略咗佢嘅感受。」她感激丈夫的忍耐和付出,並會改變自己,做個合丈夫心意的太太。


飲熱鮮奶結情緣


提到夫婦情緣,原來由飲熱鮮奶而起,Mary姐回憶:「當時佢從澳洲返港度假,參加藝人之家嘅活動,嗰次我哋大家喺酒店咖啡室飲咖啡,佢竟然叫熱鮮奶,還一連飲三杯,我心想呢個牛奶仔好奇怪,於是開始對佢感興趣,又覺得佢唔會口花花,好有內涵,從來唔煙唔酒,好乖好靜,我開始留意佢,亦開始寫信同寄錄音帶畀佢,佢又錄啲唱歌聲帶,唱得好似費玉清,我當然迷上咗佢。」


放下男人尊嚴甘被嗌「韓先生」


而兩人的婚姻亦由開玩笑開始,杜燕歌笑說:「有一次佢忽然打電話話要嚟澳洲玩,問我招唔招呼,我話『好,冇問題!』佢話如果我嚟澳洲嫁畀你呢?我話『你夠膽嫁,我就夠膽娶!』大家只係講笑,結果變成真!證明我哋心中都有對方。喺澳洲,人人叫我杜老闆,但返到香港有人叫我韓先生,我心裏覺得難受,但是亦要放下男人尊嚴忍耐住,因為Mary喺澳洲嘅餐館,亦係落手落腳咁去幫我招呼人客,甚至幫我洗酒吧、洗廁所,一啲明星架子都冇,我感激萬分!只係老婆太工作狂喇!喺香港對我關注好少。」


結婚10周年贈詩被無視


杜燕歌說結婚10周年,他寫了一首詩送老婆:「掛喺牆上,佢可能冇留意到……我只係希望佢明白我,讀懂我,陪我遊山玩水睇瀑布、種盆栽……」Mary姐說:「經歷咗場大病,老公畀我好大安全感,我希望佢以後都話我知有咩需要,要講出口,我一定會做,我一定要揭開你呢一本書……讀識佢!」

來源 source: http://hk.on.cc
鍾意就快D Share啦!