掃呢頁CODE去手機

2020年2月21日 星期五

陸浩明雖然今次有錯 不過大家都係想著眼返個「源頭」 #陸浩明

陸浩明雖然今次有錯 不過大家都係想著眼返個「源頭」|頭號粉絲
陸浩明日前就在無綫節目《後生仔傾吓偈》中,竟「口快過腦」表示2003年香港是沙士病毒源頭,從而惹起廣大網友的不滿,紛紛去到他的社交平台上留言指罵,雖然 ...




陸浩明日前就在無綫節目《後生仔傾吓偈》中,竟「口快過腦」表示2003年香港是沙士病毒源頭,從而惹起廣大網友的不滿,紛紛去到他的社交平台上留言指罵,雖然6號已在網上連環發文道歉,但網友的怒火卻未見熄滅。

撰文:NM_海月|圖片來源:TVB、麥明詩Facebook、Ben Sir Facebook



陸浩明獲Ben Sir同麥明詩發文力撐



陸浩明
Ben Sir在社交平台上發文撐6號

今次Ben Sir同麥明詩都喺網上發文 以行動力撐

Ben Sir:

出呢個post之前我都要諗過度過,雖然我唔出聲冇人話我啞,雖然我照出聲亦吹我唔漲,因為我係任性嘅。

陸浩係我拍檔,一齊做過3輯ben sir睇樓團,做過talk show, 做過ben sir研究院,彼此間建立咗某種關係。對於佢講錯嘢,認錯兼盡早道歉,呢種做法我係欣賞嘅。

我亦唔可以唔撐佢,因為我哋要拍bensir睇樓團第4輯。之前反送中期間,亦有KOL照樣瀨嘢,姑勿論表唔表態。

藝人、KOL,以至社會每個階層都搞到咁分化,千錯萬錯個源頭一定係隻臭X!



(利申:我下次做節目強烈要求不要配字幕!)

陸浩明

Ben Sir 及6號合照


重睇:陸浩明在節目「口快過腦」講沙士源頭係香港 凌晨連環發文道歉





麥明詩:

【別太鞭屍】

Ben sir話齋,唔講嘢冇人話我啞;我亦都知道我講嘢對我冇任何好處、唔討好、攞唔到光環,但或許我現在比較少顧慮,所以忍唔住講多句:真係希望大家可以把槍口對翻准啱嘅位置。

陸浩係我合作咗幾年嘅前輩,說實話佢一直照顧後輩,有幾次我同fyy出大show出錯佢都幫我地補獲carry我地;當然,講到良知嘅時候唔可以被私人感情左右;佢呢一次佢固然係大錯特錯,但佢緊接講錯嗰句之後,佢係話「係因為有個廣州人喺內地食…」然後yy話「係佛山」;資料都未必係啱,但係可見應該係一個口誤,佢當時應該係知道由內地傳落黎。



當然,呢個口誤好嚴重、佢責無旁貸;而陸浩亦即刻出黎道歉。大家可能對於佢同某些其他前輩嘅關係而有所意見,比較圓滑係佢做人處事嘅方式,但係佢點都係一個試過喺《後生仔》大嗌「唔好搞我後面」、一直專注香港市場、專注做廣東話節目嘅主持。

佢係錯,而我之前未睇清楚段片就評論咗都係錯,剪接組冇修正係錯,字幕組照配字幕係錯… 但希望大家關注咗呢件事之後,可以將關注放喺啲真係黑心、不道德、埋沒良知嘅人上面。謝謝🙏

#香港不是沙士源頭

P.S. 會向監製表達,應該喺節目上面澄清番。

補充:唔係話道咗歉就等於冇事,絕對係有事;講一個比喻,殺人都有分謀殺同誤殺;誤殺所做嘅傷害都係永不磨滅,但比起謀殺,誤殺唔deserve坐同樣甘多年監。佢絕對需要面對同埋承擔後果,但更應該需要面對同承擔後果嘅應該係謀殺嗰啲人!



陸浩明

麥明詩FB原文



來源 source: http://www.nmplus.hk
鍾意就快D Share啦!