掃呢頁CODE去手機

2020年2月1日 星期六

娛美人:女神下海!林泳淘圓夢挑戰演「妓」 __,女神,林泳淘,

林泳淘將會於舞台劇飾演流鶯!藝人林泳淘(Wingto)去年被迫跳出ComfortZone,事業上面對新挑戰,將在舞台劇中飾演夢寐以求的妓女角色。講到年 ...




林泳淘將會於舞台劇飾演流鶯!


藝人林泳淘(Wingto)去年被迫跳出Comfort Zone,事業上面對新挑戰,將在舞台劇中飾演夢寐以求的妓女角色。講到年前Big爆泳衣照風靡網民,她自認其實個性相當怕醜,但為做好演員不惜豁出去。


新手好大壓力


Wingto離開無綫後工作不斷,更榮登KOL榜冠軍,深得網民喜愛!她透露在新一年會先挑戰舞台劇:「其實想試舞台劇好耐,但要花好多時間排練,以前根本冇可能,依家難得有機會就試吓,都有好大壓力,我只係新手,其他演員個個都好有經驗!」


舞台劇飾演流鶯


講到舞台劇角色,她笑言是夢寐以求的妓女角色:「以前個個藝訓班出嚟嘅同學都被安排做妓女,反而我一直冇得做,於是我同助導講,跟住有機會喺《老表,你好hea!》着護士裝扮『一樓一』,但都係搞笑,到今次舞台劇我飾演流鶯,正呀!不過冇性感演出,個劇係老少咸宜,寫實富人情味。」


自謙冇本錢性感


過去Wingto多數做節目主持,現在她將有更多機會磨練演技,直言最想挑戰做打女及拍喜劇。說到Wingto最令網友印象深刻的要數拍攝旅遊節目《3日2夜》的白色Big爆泳衣Look,自認保守的她直言相當尷尬:「要我性感真係難啲,之前拍沖涼戲都幾怕醜,拍完有『終於完喇』嘅感覺,但我既然決定做演員,就要努力衝破性感呢部分,當然要睇劇情有冇需要。」對於網民要求她多甫性感相,Wingto笑言望大家高抬貴手:「我冇呢個本錢呀!而且我唔識游水,所以冇咩機會,平時最多都係着一件頭咋!」


想40歲抱孫


事業展開新一頁,感情上會否也向前一步,跟圈外男友結婚?Wingto表示暫時未有具體計劃,但不諱言曾想過有仔趁嫩生:「20歲嗰陣已經想過結婚,到40歲做阿婆,但依家一切隨緣」

來源 source: http://hk.on.cc
鍾意就快D Share啦!