SoSweet！新冠肺炎襲港，全港多間幼稚園及中小學繼續停課，藝人陳茵媺（Aimee）每日都花盡心思為仔女安排活動，做到「停課不停學」，繼早前去沙灘學 ...
新冠肺炎襲港，全港多間幼稚園及中小學繼續停課，藝人陳茵媺（Aimee）每日都花盡心思為仔女安排活動，做到「停課不停學」，繼早前去沙灘學寫字「上堂」後，尋日情人節，佢哋就留喺家中轉學烹飪，齊齊整愛心曲奇送畀爸爸陳豪。
Aimee喺社交網上載影片，見一班小朋友落手落腳搓麵團，又幫手為曲奇裝飾，而囡囡Camilla相當為食，不過都好畀心機整，相信爸爸收到一定冧到爆！此外，Aimee更獲「前世情人」兩個囝囝輪流送花，即時眼泛淚光，肉緊攬實囝囝，相當感動！
