掃呢頁CODE去手機

2020年2月27日 星期四

譚俊彥:譚俊彥食肆改做外賣 堅持唔削減員工福利 #譚俊彥

疫情影響市道經濟,譚俊彥嘅西餐廳都受到影響。藝人譚俊彥今日現身新城電台宣傳無綫熱播劇《法證先鋒IV》,該劇收視繼續飆升,首集7日跨平台總收視37.1點 ...




疫情影響市道經濟,譚俊彥嘅西餐廳都受到影響。


藝人譚俊彥今日現身新城電台宣傳無綫熱播劇《法證先鋒IV》,該劇收視繼續飆升,首集7日跨平台總收視37.1點,譚俊彥謙稱是台前幕後一大班人齊心合力的功勞,更指對大結局衝破40點有信心,並劇透:「係一個開心結局,但點開心法我都唔知,因為小青姐(監製梅小青)好犀利,原來啲劇本最後部分有保密,我哋拍出嚟嘅嘢係同剪出嚟唔同,佢好識得一環扣一環咁令觀眾追劇。」劇集收視高企,已經有計劃拍續集?他指演員都是被動,要看公司安排,又笑話:「依家興再開就換人,暫時都未諗,暫時都係專注喺防疫同宣傳上。」


問到爸爸狄龍可有晚晚追劇?有何評價?譚俊彥抵死笑指爸爸一向作風是有彈冇讚,反而媽媽就有:「佢係標準會煲劇嘅師奶,晚晚佢睇完都會打畀佢問做成點,關係好咗好多。」


《法證IV》血腥 未有同仔女收看


因劇集內容有血腥、屍體畫面,他說未有同一對年幼仔女收看:「之前做包青天黑口黑面個女嚇親,我都係8、9歲先睇我爸啲劇。(停課喺屋企好悶?)大家都悶!太太好有心,每朝10點就好似幼稚園上堂咁,尋日先同佢買教材。」並自覺做了怪獸家長:「個女先差唔多5歲,佢計數叻,已經買6、7歲啲數畀佢越級計,升小學係好緊張,但都要佢靠自己。(驚停課佢哋追唔上?)教學好Open,仲靠個好老婆,佢有上網Search、又同其他家長交流。」


有投資西餐廳的他,早前謂受疫情影響想轉型做外賣式生意:「都辛苦,依家係大家攜手共度時艱,唔係賺錢,好多行業都結業,希望用自己嘅能力過呢個難關。(有要求員工放無薪假?)冇削減任何福利,員工人唔算多,而且人人都有家庭。」

來源 source: http://hk.on.cc
鍾意就快D Share啦!