掃呢頁CODE去手機

2020年2月24日 星期一

娛樂專題:好弱雞!周佩婷遊酒莊飲三杯即場瞓低 #周佩婷

係時候練吓酒量!無綫節目《3日2夜》的主持周佩婷(Angel),以甜美笑容加美好身段,成功吸引網民眼球!早前她飛到澳洲墨爾本旅行,特意走出城市,玩轉多 ...




係時候練吓酒量!


無綫節目《3日2夜》的主持周佩婷(Angel),以甜美笑容加美好身段,成功吸引網民眼球!早前她飛到澳洲墨爾本旅行,特意走出城市,玩轉多個郊外地方,實行近距離接觸大自然,享受「天人合一」的感覺。當中她最難忘到酒莊品酒,飲了三杯便當場睡倒,認真「弱雞」!


向來喜歡四出遊覽的Angel,不時作「空中飛人」,實行「讀萬卷書,不如行萬里路」。Angel直言十分喜歡澳洲這個地方,墨爾本亦並非首次踏足,但每次遊覽都有新感覺,更指當地天氣難測:「香港冬天嗰邊就係夏天,本來諗住可以避吓寒,所以帶咗好多夏天衫諗住去沙灘影靚相。點知落機嗰刻已經覺得好凍,同埋喺墨爾本一日可以感受四季變化,搞到第一日已經病咗。」


死頂除外套


Angel第一站到了Brighton Beach,是當地必去景點:「個沙灘有好多彩虹小屋,係一定要去嘅打卡點,但最搞笑嗰度又凍又大風,我着咗件羽絨都覺得好凍,但好多人為咗影靚相就好勇敢除咗件外套,有啲仲三點式上陣曬太陽,搞到自己好大對比,所以最後我都鼓起勇氣除咗件羽絨影相,唔夠幾分鐘就要着番,好弱雞。」


樹上熟櫻桃


Angel特意去郊區的果園摘車厘子,令她一吃難忘:「啲車厘子好味到爆,從未見過咁大粒,又好味,真係食完先知咩叫新鮮,我仲係第一次爬上樹摘嚟食,最尾我同朋友摘咗成5公斤,真係好平,簡直超值,喺香港好難有咁嘅機會。」


酒莊嘗美酒


親近完青草果園,少不得到酒莊品嘗美酒,雖然Angel酒量一般,亦趁機去了三間酒莊,卻發生了一則笑料:「我飲少少就會面紅,記得嗰次好搞笑,因為食咗啲感冒藥,當我飲完第三杯時太攰瞓着咗,搞到人哋以為我飲醉,非常尷尬,係好特別嘅體驗。」


親親草泥馬


隨後,Angel繼續親親大自然,與草泥馬近距離接觸:「我哋參加本地團去咗個農場,農場主人帶我哋睇佢哋72隻草泥馬,又可以餵佢哋。其實之前去上海一間動物cafe見過草泥馬,但嗰次佢哋係咁向我吐口水,今次喺澳洲接觸個感覺唔同晒,佢哋好乖。」

來源 source: http://hk.on.cc
鍾意就快D Share啦!