掃呢頁CODE去手機

2020年2月12日 星期三

【頭條追蹤】 帶兩個女陪老婆返鄉過年 何猷啟返港「無罩」與友聚會 #何猷啟

何生食完飯同成班朋友一齊行去停車場,可能見只係十幾分鐘所以無戴返口罩。
【頭條追蹤】帶兩個女陪老婆返鄉過年何猷啟返港「無罩」與友聚會何生食完飯同成班朋友一齊行去停車場,可能見只係十幾分鐘所以無戴返口罩。新冠肺炎(前稱武漢肺 ...




【頭條追蹤】 帶兩個女陪老婆返鄉過年 何猷啟返港「無罩」與友聚會

何生食完飯同成班朋友一齊行去停車場,可能見只係十幾分鐘所以無戴返口罩。

新冠肺炎(前稱武漢肺炎)疫情日漸加劇,食物及衛生局長陳肇始仲話未來兩星期是抗疫的關鍵期,強烈勸籲戲院及卡拉OK等娛樂場所暫停營業,亦避免打麻雀及聚會,以減低病毒人傳人的風險。本周日下午,賭王何鴻燊三太陳婉珍的兒子何猷啟同老婆GiGi及一班朋友去淺水灣食Tea,食嘢梗係唔戴口罩,但何生食完嘢都冇戴返,翻查資料,佢同老婆及兩個女一家四口返過內地過年,佢話唔係去武漢,去邊唔講,去咗幾多日唔講,有無自我隔離唔知,咦,咁樣呀。採訪:張詠森、譚壹致

兩公婆幾好傾。
兩公婆幾好傾。
飯後何猷啟一個人行先,何太尾隨。

飯後何猷啟一個人行先,何太尾隨。

賭王何鴻燊家族去年好多喜事,子女相繼結婚生仔,開枝散葉。包括去年2月,三房兒子何猷啟自爆已跟女友在外國秘婚,其後再爆出已為人父,並於4月承認已有一個11月大的囡囡Tittania;10月再誕下二女Tylia,兩年抱兩,生產力相當強。

兩公婆疑似有拗撬

過年前,何猷啟曾到醫院探望賭王,當時佢表示新年會陪太太返內地拜年,仲會帶埋小朋友去,對於武漢爆發肺炎,佢就話:「我哋唔係去嗰區。」問到幾時出發,佢話唔講喇。本周日下晝四點半,見到何生同老婆及朋友一行八人去咗淺水灣食意大利菜,眾人食得好開心,無口罩情況下有講有笑,貼住老婆坐嘅何生發言量都幾多,食咗個幾鐘埋單,眾人步行往露天停車場,由餐廳去停車場十幾分鐘,同老婆行到離行離迾嘅何生無戴口罩,話晒內地返嚟喎。

一行八人打橫咁行,何生何太分別企兩邊。

一行八人打橫咁行,何生何太分別企兩邊。
朋友有車可以車埋,何生同何太分別喺左右兩邊車門上車。

朋友有車可以車埋,何生同何太分別喺左右兩邊車門上車。


何猷啟去年秘婚,4月更宣布已育有十一個月大B女Tittania。

何猷啟去年秘婚,4月更宣布已育有十一個月大B女Tittania。
去年,懷第二胎的GiGi跟抱着女兒的何猷啟出席活動。

去年,懷第二胎的GiGi跟抱着女兒的何猷啟出席活動。

鍾意就快D Share啦!