陸浩明喺最新一集《＃後生仔傾吓偈》再道歉，麥明詩（右）及馮盈盈都支持！
藝人陸浩明（6號）早前喺節目《＃後生仔傾吓偈》誤將沙士講做「嗰時香港係病毒源頭」而引起滿城風雨，佢之後道歉時淚流滿面，拍檔馮盈盈及舊拍檔嘅麥明詩就覺得台前幕後都有責任。而尋晚節目開始時就播出一段6號道歉及糾正聲明，並重申沙士源頭，同時又向當年及現在嘅醫護人員致敬！節目亦喺Instagram表示：「我哋台前幕後團隊，未來喺處理節目內容同資料，將會謹慎認真。」
而為呢件事好上心嘅麥明詩之前就話會向監製表達應喺節目上澄清，而佢就上載片段及留言：「本人下午同節目組溝通網民提議於大氣電波糾正資訊以正視聽，節目組原來於今日早上已經錄製咗呢個聲明。相信節目組未來日子會加以謹慎！」馮盈盈就轉發片段，並話：「承擔責任的勇氣 不逃避錯誤的態度 坦白講這反而讓的更佩服和尊敬💪🏻💪🏻💪🏻」
來源 source: http://hk.on.cc
|
鍾意就快D Share啦！
|
|
|
