掃呢頁CODE去手機

2020年2月13日 星期四

【安心戀泥】黃心穎鄰居曾爆電台主持上香閨 網民估是「翻版林海峰」泥鯭 #林海峰 #黃心穎

黃心穎在「安心偷食」後形象跌落谷底,冇仔敢埋身,但前日Rubberband鼓手泥鯭卻甘願做觀音兵,陪心穎行寵物店被讀者撞破,泥鯭為護心穎自爆去年已跟未 ...




黃心穎在「安心偷食」後形象跌落谷底,冇仔敢埋身,但前日Rubberband鼓手泥鯭卻甘願做觀音兵,陪心穎行寵物店被讀者撞破,泥鯭為護心穎自爆去年已跟未婚妻分手;其實去年4月爆出「安心偷食」時,有心穎鄰居爆料,指曾見到有已婚電台主持和畫黑色眼線的band友到訪心穎香閨,當時森美和樂隊Mr.的結他手MJ都變成嫌疑人物,惟「安心戀泥」爆出後,有網民突破盲腸,指「電台主持」可能是跟林海峰餅印一樣的泥鯭。

由於黃心穎和泥大纜都扯唔埋,所以「安心戀泥」爆出後全城譁然,網民紛紛剝花生加入討論,有網民就翻摷當日「電台主持到訪心穎香閨」的新聞提出疑問:「但係泥鯭成日俾人認做林狗」、「係wor可能電台主持講緊佢」,泥鯭和林海峰的確餅印一樣,甫出道已被指是「翻版林海峰」,2009年,RubberBand在Star Hall開騷,更請了林海峰做表演嘉賓,當日林海峰扮泥鯭以冬菇頭造型登場,兩人同台似足兩兄弟,笑爆全場;2010年,泥鯭更跟林海峰拍廣告搵真銀。

另外,有《蘋果》讀者更在留言爆料,指去年9月泥鯭和未婚妻未分手,「佢同前未婚妻都應該唔係分開咗好耐,舊年9月第一次響Popcorn唱《願榮光歸香港》,佢兩個都響現場,仲推埋隻狗嚟。」而黃心穎於去年12月返港,泥鯭昨日指跟未婚妻於去年分手,即有可能是心穎返港後,泥鯭才跟未婚妻分手?

而心穎跟泥鯭的「朋友」關係好低調,在心穎的IG中,記者只搵到一張兩人於2016年的大合照,心穎留言:「即興九唔搭八組合,想聽嗎?成員包括:泥鯭 Rubberband,on仔 C AllStar,小胡 Yellow,心穎,King C AllStar #一齊jam歌好好玩。」泥鯭在相中只佔據後面靠邊位置,不知兩人幾時變得friend過打band呢!

-----------------------------

第三屆最港電影大獎

按此立即投票

-----------------------------

《果GYM》隨身播  健身壹App過!

一按即玩

2016年已「行埋」


泥鯭和林海峰餅印一樣(資料圖片)



鍾意就快D Share啦!