趙薇繼子黃益喺微博上載與小四月黑白合照。
大陸女星趙薇與商人黃有龍育有一女「小四月」，但好多人都唔知，其實趙薇仲有一個繼子黃益，有指係黃有龍與初戀所生。
黃益最近喺微博上載與小四月黑白合照，留言：「異國他鄉的精神支柱是啥呢」而相中小四月戴上墨鏡，黃益就側面，但因燈光未能其到其貌，另外仲有一張由小四月寫嘅信，上面寫住「I Love you」及零食清單，當中包括維他命C，為哥哥「打底」抗炎，真係非常Sweet！
而黃益喺微博定位新加坡，生日日期係2000年12月18日，即係已經20歲，為人就好低調，從未上載正面照！雖然趙薇甚少上載同繼子合照，但曾在節目講過：「我很心疼他，我希望盡我全力，讓他也體會到有媽媽的溫暖」。據指，黃益私下係趙薇小粉絲，母子關係好好，私下會一齊旅遊睇演唱會，黃益更直接稱呼趙薇做「媽媽」。
來源 source: http://hk.on.cc
|
鍾意就快D Share啦！
|
|
|