掃呢頁CODE去手機

2020年2月14日 星期五

女版福爾摩斯 湯洛雯嚴重神經質 喪Check男友手機 #湯洛雯

湯洛雯參選香港小姐時只得115磅,是她的最瘦時期。
女版福爾摩斯湯洛雯嚴重神經質喪Check男友手機無綫花旦湯洛雯條件不錯,但至今仍未覓得良緣,她自爆以往拍拖相當多疑,因經常Check爆男友,被朋輩封「 ...




女版福爾摩斯 湯洛雯嚴重神經質 喪Check男友手機

無綫花旦湯洛雯條件不錯,但至今仍未覓得良緣,她自爆以往拍拖相當多疑,因經常Check爆男友,被朋輩封「女版福爾摩斯」。情人節落得孤單,終於想通的她,明白相處最緊要溝通,笑言早已退出「外貌協會」。

現年32歲的湯洛雯(靚湯),早前被傳媒踢爆坐擁四千萬豪宅,努力Keep Fit的她亦終於成功破解「不瘦降」,重返索女之列,事業方面更現春天,成為無綫當家花旦之一。作為「要樣有樣、要財有財」的單身貴族,靚湯兩年前與羅天宇分手後,雖先後跟劉愷威、鄭子邦等傳過緋聞,可惜沒有一個是真命天子,她坦言嚴選拍拖對象,以「寧缺勿濫」為準則搵另一半,還打趣說:「雖然已經退出咗『外貌協會』,不過拍拖對象都想高大威猛、心地善良,最緊要係大家溝通到。」

疑神疑鬼得人驚

靚湯自爆在愛情路上曾患「嚴重神經衰弱症候群」,總之說不出原因,一直缺乏自信及安全感,對初戀男友經常抱着懷疑的態度,當時的神經質連自己也嚇怕:「21歲同對方一齊,拍足4年拖先分手。當時喺英國讀書識嘅,後嚟佢先返香港做嘢,我之後跟住返嚟。有次同佢鬧交,大家都唔想認低威,我懷疑佢喺出面另外有女友,所以有日我喺佢旺角公司樓下企足幾粒鐘,想等佢放工出嚟。(發現咗啲乜?)冇呀,咪見到佢搭的士走囉!」

講到當年缺乏自信成日Check男友,湯洛雯也不禁失笑。
  • 講到當年缺乏自信成日Check男友,湯洛雯也不禁失笑。
湯洛雯原來有個「女版福爾摩斯」花名。

  • 湯洛雯原來有個「女版福爾摩斯」花名。
與羅天宇的一段情,已成明日黃花。

  • 與羅天宇的一段情,已成明日黃花。

性格多疑,令她在男友朋輩中換來花名「女版福爾摩斯」,靚湯更承認試過Check男友手機:「佢又好似冇乜所謂咁由得我喎,當然依家長大咗成熟咗,一定唔會再咁做,兩個人相處要互相信任。細個拍拖全情投入,當時追求嘅嘢唔同,細個真係好驚畀人呃。」辛苦維繫的感情,敵不過環境改變,最終分道揚鑣,這種「少年十五二十時」的經歷,為靚湯人生寫下一段印象深刻的插曲。

Keep住運動唔怕肥

冇拖拍的日子,靚湯寄情工作,而且她「宅」得可怕:「父母問我可唔可以出去行吓?唔好成日匿喺屋企,仲笑我如果唔使返工,屋企同樓下會所嘅健身室,一定可以搵到我!」沉迷運動的她,對於自己的身形曾成為「網民熱話」,大方的說:「高峰期試過140磅,我諗自己人生最弗最瘦嘅日子,係參選港姐時約115磅。我唔食嘢係瘦唔到嘅,歸根究柢係啲淋巴唔通,依家唔使開工,12點前就上床瞓覺,平時盡量抽時間做運動,生活健康啲就OK」




鍾意就快D Share啦!