掃呢頁CODE去手機

2020年2月18日 星期二

英超Fever:突發!孫興民骨折 要做手術抖數周 #孫興民

(GettyImages)數據最真實,刨波不二法門,彩報電子版周二、五更新:https://win.on.cc/epaper/archive.html ...




(Getty Images)


數據最真實,刨波不二法門,彩報電子版周二、五更新:https://win.on.cc/epaper/archive.html 


熱刺堅命途多舛,先傷哈利卡尼,依家輪到孫興民!呢名南韓國腳剛梅開二度,於英超擊敗維拉之戰做功臣,但原來佢開波31秒已經整傷右臂,成場波都忍痛作戰,賽後證實佢右臂骨折,將會接受手術,熱刺官網表示佢起碼要抖數周,嚟緊歐聯16強首回合大戰RB萊比錫,以及英超惡戰車路士都唔使預佢。


哈利卡尼受傷之後,孫興民獨力撐起熱刺,自1月23號鬥諾域治開始,連埋盃賽連續5場入波,今輪對維拉佢更分別於上半場補時同94分鐘先後入波,帶領球隊力克維拉3:2攞足3分,並成功為球隊賽後領隊摩連奴更於鏡頭前篤佢塊面,笑到四萬咁口,反映摩佬錫到佢燶,點知原來佢已經受傷,仲大鑊到要做手術。


原來今場開賽31秒,孫興民同維拉後衞安斯干沙炒埋一碟,嗰陣已經整傷手臂,不過接受治療後老孫依然奮力比賽,去到半場亦都同樣要接受軍醫治理。孫興民不負所托,最後射入奠勝球,但未來數周都唔可以出場,摩連奴只得番盧卡斯莫拉1個前鋒,無論爭歐聯出線、抑或爭英超前4,都造成重大打擊。

來源 source: http://hk.on.cc
鍾意就快D Share啦!