掃呢頁CODE去手機

2020年2月23日 星期日

英超Fever:打劫曼聯上晒癮 國米再搶紅魔主力! #曼聯

足球博彩神器,每日重心提供盡在《彩報》:http://win.on.cc/football/ 自干地上任成國際米蘭領隊後,呢名前車路士主帥對英超球員情 ...






足球博彩神器,每日重心提供盡在《彩報》:http://win.on.cc/football/ 


自干地上任成國際米蘭領隊後,呢名前車路士主帥對英超球員情有獨鍾,已先後買入盧卡古同基斯甸艾歷臣,另外又借入阿歷斯山齊士及艾舒利楊格,4個英超球員3個來自曼聯,似乎對紅魔球星特別有興趣。據英國《鏡報》報道,國米今夏勢必再吼英超兵,其中曼聯射手安東尼馬迪爾,就成為國米嘅獵物!


國米早前注入中國資金後就大搞,上個夏天請到干地執教,可能因為英超球員好使好用,執行能力又強,所以干地現時陣中,已有4位英超球員,其中3個前紅魔都受到干地重用,盧卡古更成國米當家射手,本季於各項賽事已射入22球,干地食髓知味再撬紅魔兵都合情合理。


據《鏡報》報道,國米陣中阿根廷射手拿達路馬天尼斯,今夏極可能被巴塞買走,以代替年紀唔細嘅蘇亞雷斯,一旦馬天尼斯離隊,國米就會力斟射手替補,當中馬迪爾同阿仙奴前鋒奧巴美揚,都係干地心頭好。馬迪爾於15年加盟曼聯後,一直未去到巨星位置,所以受到唔少批評,國米於意甲有力挑戰祖雲達斯霸權,對馬迪爾絕對有吸引力,曼聯或者會繼上個夏天被搶去盧卡古後,又畀國米打劫多個主力。


國米除鍾意馬迪爾同奧巴美揚外,亦對RB萊比錫嘅迪姆華拿有興趣,但其實干地最想買到嘅,係巴塞射手基沙文,相信會搵拿達路馬天尼斯同巴塞交涉。

來源 source: http://hk.on.cc
鍾意就快D Share啦!