掃呢頁CODE去手機

2020年2月24日 星期一

英超Fever:曼聯利物浦聯手 誓搶阿仙奴助攻王! #曼聯

數據最真實,刨波不二法門,彩報電子版周二、五更新:https://win.on.cc/epaper/archive.html 阿仙奴「助攻王」布卡約沙 ...






數據最真實,刨波不二法門,彩報電子版周二、五更新:https://win.on.cc/epaper/archive.html 


阿仙奴「助攻王」布卡約沙卡,今輪英超對愛華頓再一次顯示身價,臨危受命後備入場,為尼基迪亞貢獻美妙助攻為球隊扳平,成兵工廠砌低拖肥糖嘅一大功臣。沙卡本季於各項賽事26次出場已造出10次助攻,前途無可限量,據英國傳媒報道,因佢只剩番18個月合約,利物浦同曼聯都希望於夏天出手搶人!


因為哥拉辛拿斯同基蘭泰亞尼本季不時受傷,新帥阿迪達遂改造沙卡打翼衞,呢名18歲翼鋒表現一流,近3場對紐卡素、奧林比亞高斯同愛華頓都送上助攻,為尼高拉斯比比、拿卡錫迪同尼基迪亞鋪橋搭路入波。本季沙卡已貢獻10個助攻,成陣中助攻次數最多球員,佢係英超助攻最多嘅年輕球員,而環顧歐洲5大聯賽,只有查頓辛祖助攻次數比佢更多。


沙卡到下季季尾就完約,現時佢周薪只有3000鎊,難怪眾多歐洲勁旅,當中包括利物浦同曼聯都對佢虎視眈眈。阿迪達大讚呢位年輕翼鋒係出色球員,佢依家最需要做嘅就係,同沙卡盡快續約,若沙卡好似當日辛祖一樣,離開曼城轉投多蒙特後成為巨星仲身價過億鎊,阿仙奴就喊得一句句!

來源 source: http://hk.on.cc
鍾意就快D Share啦!