《法證IV》勁收得！
藝人陳煒、譚俊彥、湯洛雯及黃浩然等出席節目《流行經典50年》錄影。由梅小青監製的新劇《法證先鋒IV》首播錄得33點收視，一眾演員振奮不已，身為主角的譚俊彦及陳煒孖住受訪，前者直言參加首播活動後，至凌晨四點仍然睡不着：「睇番好多網上留言，有讚有彈有畀意見嘅，最深刻係有人話我靠老竇，其實我好耐冇見佢喇（指狄龍），都有啲粉絲為我平反，話睇戲唔好太多爭拗。」
談到首集播出他與黃浩然的格鬥場面相當吸睛，譚俊彥表示：「呢場戲播出幾分鐘，但就拍足20個鐘，拍到唔單只底褲盡濕。拍嗰日係年三十晚，拍完我瞓到年初三，年紀大機器壞！」
大騷事業線的陳煒踢爆醫生男友是《法證》粉絲，自然有追看她的演出，問到男友評價時，她爽快回道：「一個字，型！」譚俊彥續謂家中小朋友都有捧場：「我個女自從睇完《包青天再起風雲》，見到我黑口黑面就嚇親，之前佢睇爺爺演出舞台劇，有碌落樓梯嘅場面，佢喊咗好耐，所以暫時唔會畀佢哋睇動作血腥戲。」
來源 source: http://hk.on.cc
|
鍾意就快D Share啦！
|
|
|
