相信粉絲們都好期待！
曾被封為「黃金盛女」之一嘅40歲台灣藝人陳喬恩，自從參加內地綜藝節目《女兒們的戀愛》成功脫單，與馬來西亞富二代曾偉昌拍拖後，戀愛mode開啟，生活變得更多姿多采，有愛情滋潤嘅女人特別紅粉緋緋，望落都年輕幾年！
雖然疫情嚴峻，但無阻兩人愛在瘟疫蔓延時，仲雙雙出國外遊避「炎」。陳喬恩上載咗段向男友撒嬌嘅短片，見佢喺街頭跑向男友，而男友溫柔地親吻陳喬恩額頭，畫面閃到眼盲！另一段短片，陳喬恩見到男友手上嘅雪糕即興奮到擘大口，一臉為食樣似足大細路，果然愛情係會令人回春～不過唔知係咪條印花裙嘅視覺影響，有網友留言問佢係咪懷孕，仲話等佢好消息喎！
來源 source: http://hk.on.cc
|
鍾意就快D Share啦！
|
|
|
