陸浩明想買樓呀！
藝人陸浩明（6號）今日為記者會擔任司儀，活動主題有關年輕人住屋問題，他表示自己至今仍未置業：「我2009年上過車，但2011年賣咗，當時賺咗少少，之後一直租屋住到依家，依家已經追唔到個樓價，加上藝人收入唔穩定，按揭只可以做到五成。（叫女友一齊夾份買？）又冇，我最理想係自己買一個，有能力就再買一個畀女友。我喺日本有個單位買咗當投資，做包租公。」他指朋友叫他最近要留意樓價，因為有機會下調，他的目標是三房或兩房的市區單位。
問他對於馮盈盈的舊愛巢可感興趣？他說：「佢嗰間我參觀過，好啱心水，但個價錢我負擔唔起，希望佢可以賣到個好價錢，唔想佢蝕，而且佢個地點唔係好啱我，我想近將軍澳或者近女友。（叫馮盈盈劈價賣畀你？）畀首期價就可以攞嚟住？我唔會劈自己友」
講到工作方面，他稱受疫情影響工作量一定有所減少：「一、二月接咗嘅工作都取消或延期，依家唔止娛樂圈，各行各業都係，所以好珍惜返公司開工。雖然接少咗出面嘅工作，但公司嘅工作多咗，同時有三個節目，所以好充實。」
來源 source: http://hk.on.cc
|
鍾意就快D Share啦！
|
|
|
