掃呢頁CODE去手機

2020年3月4日 星期三

全副武裝收件嚇親鄰居!

全副武裝收件嚇親鄰居!

全副武裝收件嚇親鄰居!在家自我隔離的21天中,芷珊每日都有生活備忘,必做事項是向家人報告身體狀況,每次都會幽默表示「還在!未死!」她指隔離的第一個星期 ...




在家自我隔離的21天中,芷珊每日都有生活備忘,必做事項是向家人報告身體狀況,每次都會幽默表示「還在!未死!」她指隔離的第一個星期日日煲劇,時間很快就過;隔離中期改為網購,買了不少「唔等使」的商品;最後一周則最難捱,心情亦忐忑不安,結果吃多了減壓,埋單總共重了10磅!

初期隔離喪煲劇

「我每日清晨5點就起身,之後就食早餐同全屋做清潔,當然有用1:99漂白水消毒。中午12點左右同貓玩吓,跟住準備午餐,等到下午3點開始煲劇,包括韓劇《愛得迫降》、台劇《想見你》同內地劇《下一站是幸福》,全部有睇,仲有N部電影……唔係人都癲!」

中期隔離玩網購

「睇劇真係睇到悶,所以改為網購打發日子,因為住得偏遠,大條道理上網買日用品!不過送貨嚟真係好似探監咁,我叫佢哋放喺門口,人走咗我先開門攞貨,主要係我唔想嘥個口罩。有次佢哋送錯隔籬,我要全副武裝去人哋度拎番,我敲門時,個女戶主見到我即刻瞪大眼,我諗佢唔認得我!」

最後隔離變大食

「無論前一晚做乜都好,我堅持每晚9點瞓覺,同埋保持運動。我頭兩個星期都有Set時段做運動,Sit-up、拉筋,畀身體郁動吓,仲有曬吓太陽咁。不過做做吓開始有啲懶,加上食厭咗自己煮,想搵啲新嘢試,好難得搵到一間有得外賣湯水,但唔知係咪太好營養,一磅竟然發現肥咗10磅有多,完全係晴天霹靂!又要有排先減番……」




鍾意就快D Share啦!