掃呢頁CODE去手機

2020年3月9日 星期一

英超Fever:藍月鋼門變膠龍 曼聯10年來首次雙殺曼城 #曼聯

曼聯雙殺曼城(GettyImages)足球博彩神器,每日重心提供盡在《彩報》:http://win.on.cc/football/ 英超曼市打吡曼聯對 ...




曼聯雙殺曼城(Getty Images)


足球博彩神器,每日重心提供盡在《彩報》:http://win.on.cc/football/ 


英超曼市打吡曼聯對曼城周日晚舉行,曼聯以2比0擊敗曼城全取3分,迫近前4排第5位,10年來首次在聯賽雙殺對方,今仗關鍵人物係曼城門將艾達臣摩拉斯,佢喺上半場防守罰球走漏安東尼馬迪爾,下半場補時再向麥湯米尼送禮,絕對係輸波罪人。


開賽10分鐘曼城史達寧殺入起腳,迪基亞飛身撲出,16分鐘丹尼爾占士埋門亦無功而還,27分鐘安東尼馬迪爾另一次機會可惜射得太正被艾達臣摩拉斯沒收。


上半場30分鐘,波基斯費南迪斯在左路博得罰球,當時曼城後防頗為鬆散,波費把握時機快速開罰球笠高波破越位,安東尼馬迪爾快速殺入禁射近柱,艾達臣摩拉斯反應不及,拍到皮球仍然漏入,曼聯領先1比0。


42分鐘曼聯再有另一機會,費特洛迪古斯殺入禁區被奧達文迪撞跌,但球證不但冇畀12碼,仲判費達插水罰黃牌,曼聯錯過擴大比數機會,半場領先1比0。


下半場48分鐘,阿古路入波但食詐胡,未能扳平,2分鐘後曼城防線又出現險象,艾達臣摩拉斯發波瘟,接應隊友回傳時竟然漏踢,安東尼馬迪爾衝前射空門,被艾達臣摩拉斯及時解圍,但馬迪爾收掣不及右腳撞中門柱倒地受傷,幸好經治理後無大礙。


曼城中段收起阿古路及貝拿度施華,改用馬列斯及加比爾捷西斯,攻力未見加強,曼聯改打簡單反擊威脅對方防線,一輪攻防戰後,90+6艾達臣摩拉斯嚴重犯錯,掟龍門球竟然掟畀麥湯米尼,被該曼聯中場直接射入空門,曼聯最終贏2比0完場,自2009至10年後,首次在聯賽雙殺曼城。

來源 source: http://hk.on.cc
鍾意就快D Share啦!