吳家樂演技大爆發！藝人吳家樂客串演出無綫熱播劇《法證先鋒IV》，日前一場被盤問的戲，家樂「擘大眼講大話」奸到出汁，演技大爆發的他大獲讚賞。劇情指家樂因 ...
藝人吳家樂客串演出無綫熱播劇《法證先鋒IV》，日前一場被盤問的戲，家樂「擘大眼講大話」奸到出汁，演技大爆發的他大獲讚賞。劇情指家樂因財失義，為錢安排女友殺害胞妹，事件被揭發遭女警朱晨麗破口大罵，二人一場口供房對峙戲入木三分，成為網民熱話。
談到演技被肯定，家樂回覆東網時謙稱：「我覺得自己演得未夠清晰，如果再拍可以再細膩啲，只要各監製畀機會嘅話，我唔介意演任何角色。」他又坦言今次「唔夠喉」：「因為今次戲份集中喺口供房，我同妹妹、女友都冇對手戲、冇交流，角色嘅揣摩只靠我對劇本嘅理解。」
