掃呢頁CODE去手機

2020年3月21日 星期六

《法證先鋒IV》:TVB日系學生妹硬撼民選前港姐ViuTV女一 #TVB #Viu #ViuTV #法證先鋒IV #港姐

打對台!TVB同ViuTV新女近排鍾意互換東家,現年25歲嘅郭思係模特兒出身,拍過唔少廣告,之後加入ViuTV做主持,後轉戰TVB,攻入《美女廚房》做 ...




打對台!


TVB同ViuTV新女近排鍾意互換東家,現年25歲嘅郭思係模特兒出身,拍過唔少廣告,之後加入ViuTV做主持,後轉戰TVB,攻入《美女廚房》做美女學徒,長得一副童顏加梳住招牌齊蔭嘅佢笑容甜美,備受注目,仲獲睇中出演《解決師》,雖然又係做學生妹,但唔少網民都大讚佢做學生妹完全冇違和感,仲同丁子朗有唔少對手戲添!


激似日本妹


私下嘅佢經常喺社交網晒靚相,無論咩角度都好似日本妹咁,仲有着和服嘅相,真係好kawaii呢!雖然好少女,但原來佢都會睇足球,早前仲飛到巴塞隆拿睇美斯,夠晒Girlfriendable!而佢又好有愛心,養咗兩隻小鸚鵡,仲會「遛雀」,成個Package都咁掂,難怪有唔少宅男粉絲


「民選港姐」吳海昕過檔ViuTV


郭思就由ViuTV過檔TVB,而最近備受關注嘅「前港姐」吳海昕(Sofiee)就調轉走咗入ViuTV,喺穿越劇《二月廿九》做埋女主角,演出獲網民大讚!


2014年參選港姐嘅佢,曾被指整過容,但無損網民對佢嘅愛戴,雖然最終大熱倒灶,但獲封「民選港姐」!未有喺無綫拍過劇嘅佢勇闖影壇後,2017年就開始拍ViuTV劇,嚟到今次套《二月廿九》終於聲名大噪,成功入屋踏上上位之路!


大晒蜜桃臀


現年30歲嘅佢人前睇落保守,私下都有開放一面,喺網上大晒三點式泳照,又不時分享運動成果,騷出小蠻腰同腹肌,仲對鏡自拍蜜桃臀,搞到一班絲打巴打流晒口水!


佢仲好大膽,今年新年背住腳傷一個人走去緬甸,佢話:「由於太討厭新年,所以隨便上網買了張機票⋯」說走說走,型到咁網民都話佢好勇呀!



來源 source: http://hk.on.cc
鍾意就快D Share啦!